پەتروپاۆلدا ەكى قاباتتى ءۇيدىڭ قابىرعاسى وپىرىلىپ ءتۇستى

مۇندا بۇگىنگە دەيىن 5 وتباسى تۇرىپ كەلگەن. دالادا قالعان  وتباسىلاردىڭ بىرەۋى عانا جايلى ورىنعا ورنالاستىرىلعان. قالعاندارىنىڭ قايدا تۇنەرى بەلگىسىز.

ءتۇن ورتاسىندا شىرت ۇيقىدان شوشىپ ويانعان گۇلجان يلياسوۆا  وسى ۇيدە جۇبايى جانە ەكى بالاسىمەن 2011 جىلدان بەرى تۇرادى ەكەن. تۇرۋعا جارامسىز ەكەنىن بىلە تۇرا امالسىز پانالاپ كەلگەن. پاتەر كەزەگىندە 47-ءشى بولىپ تىركەلگەن. قازىر قايدا باس ساۋعالارىن بىلمەي دال.

«باسقا تۇراتىن جەرىمىز جوق. كۇيەۋىم عانا جۇمىس ىستەيدى. پاتەر جالداي المايمىز.  وسى سەبەپتى اپاتتىق باسپانانى مەكەن ەتۋگە ءماجبۇر بولدىق. پاتەرىمىزدىڭ ءبىر قابىرعاسى قيسايىپ تۇر», دەيدى ول.

قالا  اكىمىنىڭ ورىنباسارى ەۆگەني گلوتوۆ جاعدايدىڭ باقىلاۋدا تۇرعانىن جەتكىزدى. بىراق وقىس وقيعا ورىن الادى دەپ ويلاماپتى. قارجى نەمەسە پاتەر ىزدەستىرىپ جاتقان كورىنەدى. اپاتتىق ءۇيدى مەكەندەگەن جالعىزباستى كەيۋاناعا جاتاقحانادان ۋاقىتشا ءبىر بولمە بەرىلىپتى. ونى قۇداي ساقتاپتى. تۇنگى 12-لەر شاماسىندا قابىرعا سىقىرلاي باستاعاندا كوشىرىلگەن. ىلە-شالا قابىرعا جالپ ەتە تۇسكەن.

بۇگىندە قالا بويىنشا 18 تۇرعىن ءۇي اپاتتىق دەپ تانىلعان. ولاردا شامامەن 200-گە جۋىق ادام جانىن شۇبەرەككە ءتۇيىپ, تۇرىپ جاتىر.

ءومىر ەسقالي, «ەگەمەن قازاقستان»