ماڭعىستاۋ وبلىسىنا جۇمىس ساپارى اياسىندا قر پرەمەر-ءمينيسترى باقىتجان ساعىنتاەۆ ءوڭىردىڭ اكتيۆىمەن جانە بيزنەس وكىلدەرىمەن ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن, «بەس الەۋمەتتىك باستاماسىن» ىسكە اسىرۋ ماسەلەلەرى بويىنشا كەزدەسۋ وتكىزدى.
كەزدەسۋ بارىسىندا تەحنولوگيالىق جاڭعىرتۋ, تسيفرلاندىرۋ, ەكونوميكانى ودان ءارى ءارتاراپتاندىرۋ, كادرلاردى دايارلاۋ جانە وبلىستا بيزنەستى دامىتۋ ماسەلەلەرى تالقىلاندى.
پرەمەر-مينيستر وبلىستىڭ «پرەزيدەنتتىڭ بەس الەۋمەتتىك باستاماسىن» ىسكە اسىرۋ تۇرعىسىنان جوعارى الەۋەتىن اتاپ ءوتتى. باقىتجان ساعىنتاەۆ «7–20–25» باعدارلاماسى اياسىندا ءتيىمدى شارتتار بويىنشا تۇرعىن ءۇي ساتىپ الۋ, شاعىن نەسيەلەر ارقىلى بيزنەستى دامىتۋ مۇمكىندىكتەرىن, سونداي-اق, زاماناۋي تالاپتارعا ساي, قولجەتىمدى ساپالى ءبىلىم الۋ ماسەلەلەرىن ءتۇسىندىرىپ بەردى.
مەملەكەت باسشىسىنىڭ تاپسىرمالارىن ىسكە اسىرۋ تۇرعىسىنان ءوڭىردى الەۋمەتتىك-ەكونوميكالىق دامىتۋ, سونىڭ ىشىندە ءتورتىنشى ونەركاسىپتىك رەۆوليۋتسيا, تەحنولوگيالىق جاڭعىرتۋ, تسيفرلاندىرۋ, ەكونوميكانى ودان ءارى ءارتاراپتاندىرۋ, كادرلاردى دايارلاۋ مەن قايتا دايارلاۋ, ەڭبەك رەسۋرستارىن باسقارۋ, سونداي-اق وڭىردە باسەكەلەستىك پەن باسەكەگە قابىلەتتى بيزنەستى دامىتۋ تۋرالى ماڭعىستاۋ وبلىسىنىڭ اكىمى ە. توعجانوۆ باياندادى.
2017 جىلدىڭ قورىتىندىسى بويىنشا وڭىردە وڭ دامۋ قارقىنى بايقالادى. ونەركاسىپتىك ءوندىرىس كولەمى 96,9%-تەن 100,1%-كە دەيىن ءوستى. وسى جىلدىڭ بەس ايىندا بۇل كورسەتكىش 100,5% جەتتى.
2018 جىلى 35 جاڭا يندۋستريالىق جوبانى ىسكە قوسۋ جوسپارلانعان, ولار قوسىمشا 5 693 جاڭا جۇمىس ورنىن قۇرۋعا مۇمكىندىك بەرەدى. وبلىس اكىمى اسا ءىرى جوبالار رەتىندە توقىما فابريكاسىن, گاز–بۋ قوندىرعىسىن, قۇرىق اۋىلىندا قۋاتتىلىعى تاۋلىگىنە 50 مىڭ تەكشە مەتر سۋدى قۇرايتىن تەڭىز سۋىن تۇششىلاندىرۋ زاۋىتىن, «ەمىر ويل» كومپانياسىنىڭ مۇناي جانە گاز دايىنداۋ كەشەنىن اتادى.
پرەزيدەنتتىڭ بەس الەۋمەتتىك باستاماسىن ىسكە اسىرۋ اياسىندا 2018 جىلى 916 مىڭ شارشى مەتر تۇرعىن ءۇي پايدالانۋعا بەرىلەدى. وسىلايشا تۇرعىن ءۇيدى بەرۋدىڭ جىل سايىنعى ءوسىمى 10% قۇرايدى, 2025 جىلعا قاراي وبلىستىڭ ءاربىر تۇرعىنىنا كورسەتكىش 30 شارشى مەتردى قۇرايتىن بولادى.
«7–20–25» باعدارلاماسى بويىنشا وبلىستىڭ ءاربىر تۇرعىنىنا 25 ملن تەڭگە كولەمىندە نەسيە سوماسى بەكىتىلگەن. ستۋدەنتتەردى ءۇي-جايمەن قامتاماسىز ەتۋ ءۇشىن مەملەكەتتىك-جەكەشەلىك ارىپتەستىك نەگىزىندە 2 600 ورىنعا 6 جاتاقحانا سالىنادى. بۇگىندە جەر تەلىمدەرى بولىنگەن.
جۇرگىزىلىپ جاتقان تەحنولوگيالىق جاڭعىرتۋ مەن تسيفرلاندىرۋ تۋرالى ءوزىنىڭ تاجىريبەسىمەن ايماقتاعى ءىرى كاسىپورىنداردىڭ وكىلدەرى ءبولىستى: «ماڭعىستاۋمۇنايگاز» اق ديرەكتور ب. يمانباەۆ, «قاراجانباسمۇناي» اق ۆيتسە-پرەزيدەنتى ن. ءابدىراحمانوۆ, «ماەك-قازاتومونەركاسىپ» جشس باس ديرەكتورى ق. ءابدىراسىلوۆ.
تسيفرلاندىرۋدى ەنگىزۋ تاقىرىبىن جالعاستىرا وتىرىپ, قر پرەمەر-ءمينيسترىنىڭ ورىنباسارى ا. جۇماعاليەۆ اتالمىش باعىتتا جۇرگىزىلىپ جاتقان ءىس-شارالار تۋرالى ايتتى. مەملەكەت باسشىسى بەكىتكەن «تسيفرلىق قازاقستان» باعدارلاماسى اياسىندا كاسىپورىنداردىڭ يندۋستريا 4.0 ەلەمەنتتەرىن ەنگىزۋگە ازىرلىگى باعالانىپ, جۇيەلى كەدەرگىلەر ايقىندالدى. جۇيە قۇرۋشى كاسىپورىنداردى تسيفرلاندىرۋ بويىنشا ناقتى جوبالاردى ىسكە اسىرۋعا قاتىستى جۇمىستار جۇرگىزىلىپ جاتىر.
2025 جىلعا دەيىن بارلىعى 146 ملرد تەڭگە سوماسىنا 14 جوبانى ىسكە اسىرۋ جوسپارلانعان. ىسكە اسىرۋدان ەكونوميكالىق تيىمدىلىك 2025 جىلعا دەيىن 280 ملرد تەڭگە دەڭگەيىندە كۇتىلىپ وتىر.
سونىمەن قاتار ا. جۇماعاليەۆ تسيفرلاندىرۋدىڭ ارقاسىندا بارلىق ليتسەنزيالار مەن رۇقساتنامالار ەلەكتروندى فورماتتا راسىمدەلەتىنىن ايتتى, سونىمەن قاتار ازاماتتارعا 40 ملن جۋىق انىقتامانى ۇسىنۋ قاجەتتىلىگى جويىلادى.
وسىلايشا, مەملەكەتتىك ورگانداردىڭ قىزمەتكەرلەرىنە قاجەتتى اقپارات اۆتوماتتى رەجيمدە كورسەتىلەدى.
قاتىسۋشىلار كاسىپكەرلىك تۋرالى جاڭا زاڭعا ەرەكشە كوڭىل ءبولدى. ماسەلەن, قايتا رەتتەۋ بويىنشا جاڭا شارالارعا «Caspian LPG» جشس ديرەكتورى د. كلينچەۆ, «ساليۋت جانە ك» جشس ديرەكتورى ح. يزمايلوۆ جانە ديرەكتور توو «يۋنيترەيد» جشس ديرەكتورى ب. ىسقاقوۆ قولداۋ ءبىلدىردى.
زاڭدا 20 باقىلاۋ ءتۇرى الىنىپ تاستالىپ, باقىلاۋ فۋنكتسيالارى 30%-كە ازايادى. ناتيجەسىندە بيزنەستىڭ باقىلاۋ-قاداعالاۋ جۇكتەمەسى ەداۋىر تومەندەيدى. سونىمەن قاتار الۋان ءتۇرلى ەسەپتەردى تاپسىرۋمەن بايلانىستى اقپاراتتىق قۇرالدار سانى 30%-كە ازايادى. زاڭ اياسىنداعى تاعى ءبىر جاڭاشىلدىق تابيعي مونوپوليالار سۋبەكتىلەرى كورسەتەتىن مىندەتتى قىزمەتتەردى رەفورمالاۋعا قاتىستى. ەندى ولار ءار توقسان سايىن ءوزىنىڭ ينتەرنەت-رەسۋرسىندا بوس جانە قولجەتىمدى قۋاتتىلىقتار, سونداي-اق ينجەنەرلىك كوممۋنيكاتسيا سحەمالارى تۋرالى اقپاراتتى جاريالاپ وتىرۋعا مىندەتتەلەدى.
اعىمداعى جاعداي جانە ايماقتا شوب دامىتۋ پەرسپەكتيۆالارى تۋرالى سونىمەن قاتار «اتامەكەن» ۇكپ باسقارما توراعاسى ا. مىرزاحمەتوۆ ايتىپ بەردى.
كەزدەسۋ بارىسىندا ءوز باستامالارىمەن ارداگەر ب. تۇراربەكوۆ ءسوز سويلەپ, ماڭعىستاۋ وبلىسىندا دەنساۋلىق ساقتاۋ جۇيەسىن دامىتۋ ماسەلەلەرىنە نازار اۋدارتتى.
كەزدەسۋدى قورىتىندىلاعان قر پرەمەر-ءمينيسترى باقىتجان ساعىنتاەۆ وزەكتى تاقىرىپتار بويىنشا بىلدىرىلگەن ۇسىنىستار مەن پىكىرلەردىڭ ماڭىزدىلىعىن اتاپ ءوتتى. كاسىپكەرلىك قولداۋعا باعىتتالعان بارلىق ۇسىنىستار ۇكىمەتتىڭ ەرەكشە باقىلاۋىندا جانە بيزنەس قاۋىممەن بىرلەسە وتىرىپ شەشىلەتىن بولادى.