بۇگىن قر پرەمەر-ءمينيسترى ب. ساعىنتاەۆ ماڭعىستاۋ وبلىسىنا جۇمىس ساپارى بارىسىندا جاڭاوزەن قالاسىنداعى ەنەرگەتيكالىق ينفراقۇرىلىمنىڭ بىرقاتار نىساندارىن ارالادى, اتاپ ايتقاندا: پرەزيدەنتتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋى اياسىندا ىسكە اسىرىلعان «وزەنمۇنايگاز» اق جاڭا وندىرىستىك بازاسى, «وزەن جىلۋ» مكك شاعىن جەو, دەپ حابارلايدى primeminister.kz.
«وزەنمۇنايگاز» اق نىسانىندا باقىتجان ساعىنتاەۆ كاسىپورىندى تسيفرلاندىرۋ جانە تەحنولوگيالىق جاڭعىرتۋ بارىسىمەن تانىستى. جاڭا وندىرىستىك بازا بولگاريادا, رەسەيدە, قىتايدا شىعارىلعان زاماناۋي ستانوكتارمەن جابدىقتالعانىن اتاپ ءوتۋ كەرەك, ولاردى ەنگىزۋ جوندەۋ جۇمىستارىنىڭ قۋاتتىلىعى مەن ساپاسىن ارتتىرۋعا مۇمكىندىك بەردى.
سونداي-اق, مۇندا پرەمەر-مينيستر مۇناي كاسىپشىلىگى جابدىقتارىنىڭ ستاندارتتالماعان جابدىقتارىن شىعارۋ جانە جوندەۋ پروتسەسىمەن تانىستى.
«تسەح قۋاتتىلىعى جىل سايىن 400 مىڭ سورعى-كومپرەسسور قۇبىرلارىن, 300 مىڭ سورعى شتانگىلەرىن, 10 مىڭ تەرەڭدىك سورعىسىن جوندەۋگە مۇمكىندىك بەرەدى. كاسىپورىن 2017 جىلعى جەلتوقساننان باستاپ جۇمىس ىستەيدى, مۇندا 300-دەن استام ادام ەڭبەك ەتەدى», — دەگەن تسەح ديرەكتورى ب. نۇرلىباەۆ كاسىپورىندى ودان ءارى جاڭعىرتۋ جوسپارلارىمەن تانىستىردى.
«وزەنمۇنايگاز» اق باس ديرەكتورى ب. ابايىلدانوۆ ءوز كەزەگىندە پروتسەستەردى اۆتوماتتاندىرۋ جانە سىرتتاعى ۇيىمداردىڭ قىزمەتىنەن باس تارتۋ الداعى جىلدارى ورتا ەسەپپەن 967 ملن تەڭگە كولەمىندە ۇنەمدى قامتاماسىز ەتەتىنىن ايتتى.
«وزەن جىلۋدى» ارالاۋ كەزىندە باقىتجان ساعىنتاەۆ جاڭاوزەن قالاسىن الەۋمەتتىك-ەكونوميكالىق دامىتۋدىڭ كەشەندى جوسپارى اياسىندا شاعىن جىلۋ-ەلەكتر ستانسالارىن كەڭەيتۋ جانە جاڭعىرتۋ ناتيجەلەرىمەن جانە 2018–2019 جج. جىلۋ ماۋسىمىنا ازىرلىك بارىسىمەن تانىستى.
قازاندىق ديرەكتورى ادىلبەك رۋبيلوۆ جەتكىزگەندەي, 2017 جىلدىڭ سوڭىندا جەو-دە گەرمانيادا وندىرىلگەن جاڭا قۇبىرلار ىسكە قوسىلعان, بۇل «ماەك–قازاتومونەركاسىپ» قىزمەتىنەن باس تارتىپ, سىرتقى تۇتىنۋشىلارعا ەلەكتر ەنەرگياسىن جەتكىزۋگە مۇمكىندىك بەرگەن.
بۇگىنگى تاڭدا شاعىن جەو تۇتىنۋشىلاردىڭ ارتۋىن ەسكەرۋمەن جاڭاوزەن قالاسىنىڭ سۇرانىسىن قامتيدى. حالىقتى جىلۋمەن جانە ىستىق سۋمەن قامتاماسىز ەتەدى: ول — قالاداعى بارلىعى 245 ءۇي, الەۋمەتتىك نىساندار — مەكتەپتەر, بالاباقشالار, اۋرۋحانالار, سونىمەن قاتار ونەركاسىپتىك ايماقتاعى كاسىپورىندار.