بۇل تۋرالى ەلىمىزدىڭ باس مەملەكەتتىك سانيتارلىق دارىگەرى جانداربەك بەكشين ءباسپاسوز ءماسليحاتىندا مالىمدەدى.
«اۋرۋ كورسەتكىشى تومەندەدى. 17-ءشى اپتا اۋرۋدىڭ شارىقتاۋ شەگى بولىپ تىركەلدى. وسى ۋاقىتتا رەسپۋبليكادا بارلىعى 15 وقيعا, ال الماتىدا – 13 وقيعا تىركەلدى. بۇگىنگى كۇنى ءبىز الماتىدا دا ءتورت كۇن بويى مەنينگوكوك ينفەكتسياسىنىڭ جاڭا وقيعالارى تىركەلمەگەنىنە قۋانىشتىمىز», - دەدى ول.
جانداربەك بەكشيننىڭ حابارلاۋىنشا, بۇگىنگى كۇنى ەلىمىزدەگى بارلىعى 24 ناۋقاس جانە الماتى قالاسىندا 12 ادام ەم الۋدا.
«الماتىدا قازىرگى كەزدە جاعدايى جاقسارعان 14 ناۋقاس اۋرۋحانادان شىعارىلدى, بۇل كورسەتكىشتىڭ تومەندەۋىن كورسەتەدى», - دەدى ول.
دايىنداعان ميراجان ماحان,
1 كۋرس ستۋدەنتى