«رۋحاني جاڭعىرۋ» باعدارلاماسى اياسىندا دۇنيەجۇزىندەگى ۇزدىك ۋنيۆەرسيتەتتەر وقۋلىقتارىنىڭ قازاقشاعا اۋدارىلعان نۇسقالارىنىڭ تۇساۋكەسەرى ءوتتى. ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان 100 وقۋلىقتىڭ بۇگىنگە دەيىن 18-ءى اعىلشىن تىىلنەن تىكەلاي ازاق تىلىنە اۋدارىلىپ, جوعارى وقۋ ورىندارىنا تاراتىلدى. قوستاناي مەملەكەتتىك پەداگوگيكالىق ۋنيۆەرسيتەتىنىڭ ۇستازدارى مەن عالىمدارى وسى 18 وقۋلىقتىڭ تۇساۋكەسەرىندە ولاردى تانىستىردى, پىكىرلەرىن ايتتى.
« الەمدەگى مويىندالعان ۇزدىك وقۋلىقتاردى اعىلشىن تىلىنەن تىكەلەي قازاق تىلىنە اۋدارۋ ءىسى, مەملەكەتتىك تىلدە ءبىلىم الاتىن جاستارعا ەلباسى تاراپىنان جاسالعان وتە زور قامقورلىق بولدى. مىسالى, ءبىز پيسحولوگيا ءپانى بويىنشا ءۇش بىردەي وقۋلىققا قول جەتكىزىپ وتىرمىز. بۇل بىرىنشىدەن, «جالپى پسيحولوگيا تاريحى», «الەۋمەتتىك پسيحولوگيا» جانە «كىرىسپە جانە الەۋمەتتىك پسيحولوگيا» دەپ اتالادى. جالپى پسيحولوگيا ءحىح عاسىردىڭ اياعىنان باستالعان, جاڭا دامىپ كەلە جاتقان عىلىم بولعاندىقتان, الەمگە اتى ءماشھۇر عالىمدار جازعان مۇنداي وقۋلىقتارعا قول جەتپەگەن ەدى. بۇل ۇلكەن قول جەتكەن جەتىستىك دەپ بىلەمىز» دەدى ۋنيۆەرسيتەتتىڭ پسيحولوگيا جانە دەفەكتولوگيا كافەدراسىنىڭ اعا وقىتۋشىسى, Phd دوكتورى امانجول تاشەتوۆ.
امانجولدىڭ فيلولوگ, تاريحشى, ماتەماتيك, فيلوسوف, تاعى باسقا ارىپتەستەرى دە ءوز پاندەرى ويىنشا قولعا تيگەن وقۋلىقتارى بويىنشا پىكىرلەرىن ورتاعا سالدى.
«ۇزدىك وقۋلىقتاردىڭ ءتىلى دە جاتىق, ۇعىمعا تۇسىنىكتى. الايدا وقۋلىقتاردىڭ سالماعى اۋىر, تىم قالىڭ ەتىپ تۇپتەلگەن ەكەن. بۇل ستۋدەنتتەردىڭ بولاشاقتا وزىمەن بىرگە الىپ جۇرۋىنە, تۇتىنۋىنا قولايسىزداۋ بولا ما دەگەن دە وي كەلەدى. دەگەنمەن, الداعى ۋاقىتتا باسپاگەرلەر مەن اۋدارماشىلار تاراپىنان بۇل دا ەسكەرىلەر دەپ ويلايمىز» دەيدى الەۋمەتتىك-گۋمانيتارلىق فاكۋلتەت دەكانىنىڭ ورىنباسارى راۋان بايدالى. وقۋلىقتار پەداگوگيكا ۋنيۆەرسيتەتىنىڭ كىتاپحاناسىنا, كافەدرالارعا تابىستالدى. ستۋدەنتتەر ولاردى كەلەر وقۋ جىلىنان پايدالانا باستايتىن بولادى.
ءنازيرا جارىمبەت,
«ەگەمەن قازاقستان»
قوستاناي