الماتىدا وڭىرلىك كوممۋنيكاتسيالار قىزمەتىنىڭ الاڭىندا قالالىق اۋىل شارۋاشىلىعى جانە ۆەتەريناريا باسقارماسى باسشىسىنىڭ ورىنباسارى قارلىعاش ءابدىجابباروۆانىڭ قاتىسۋىمەن «الماتىدا اگروونەركاسىپ كەشەنىن جانە ازىق-ت ۇلىك جەتكىزىلىمىن دامىتۋ» تاقىرىبىندا ءباسپاسوز ءماسليحاتى ءوتتى.
الماتى قالاسى اۋىل شارۋاشىلىعى جانە ۆەتەريناريا باسقارماسى باستىعى ورىنباسارىنىڭ ايتۋىنشا, ازىق-ت ۇلىكپەن جابدىقتاۋ, ەڭ الدىمەن, وڭىرلەردەن اۋىل شارۋاشىلىعى ونىمدەرىن تىكەلەي جەتكىزۋدى ۇيىمداستىرۋمەن بايلانىستى. اپتا سايىنعى قالالىق جارمەڭكەلەردە ازىق-ت ۇلىك ونىمدەرى ورتاشا نارىقتىق باعادان 15-20% تومەن ساتىلادى. بۇل جەرگىلىكتى اۋىل شارۋاشىلىعى تاۋارلارىن وندىرۋشىلەردى ىنتالاندىرۋعا جانە الەۋمەتتىك ماڭىزى بار ازىق-ت ۇلىك تاۋارلارىنا باعا بەلگىلەۋدى قامتاماسىز ەتۋگە مۇمكىندىك بەرەدى. جىل باسىنان بەرى قالانىڭ 6 اۋدانىندا 230 جارمەڭكە وتكىزىلدى. اقشالاي بالامادا بۇل 1,5 ملرد. تەڭگەنى قۇرايدى.
سونىمەن قاتار, جىلىجاي كەشەندەرىن سالۋ ارقىلى ءوز ءوندىرىسىن دامىتۋعا ەرەكشە نازار اۋدارىلادى. وسىلايشا, بيىلعى جىلى 5 مىڭ توننا قۋاتى بار «BR BRAPK» جشس-ءنىڭ 8 گەكتار جىلىجاي كەشەنىن كەڭەيتۋ جوسپارلانىپ وتىر. جوبانىڭ قۇنى – 8,3 ملرد. تەڭگە. سونداي-اق, 12 گەكتارعا ارنالعان «GreenAgroKz» جشس 11,5 ملرد. تەڭگە تۇراتىن كوكونىس جىلىجايىنىڭ قۇرىلىسى جوسپارلانعان.
قارلىعاش ءابدىجابباروۆانىڭ ايتۋىنشا ازىق-ت ۇلىك قاۋىپسىزدىگىمەن قاتار, الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىنىڭ نەگىزسىز وسۋىنە جول بەرمەۋ باعىتىندا جۇمىس جۇرگىزىلۋدە. باعانى تۇراقتاندىرۋ ماقساتىندا «التىن-وردا» كوتەرمە ورتالىعىمەن 50 ءىرى بولشەك ساۋدا وبەكتىلەرىنە اۋىل شارۋاشىلىعى ونىمدەرىن (پياز, كارتوپ, قىزىلشا, ءسابىز) ارالاستىرۋ تۋرالى كەلىسىم جاسالدى. بۇدان باسقا, الماتى قالاسىنىڭ تۇراقتاندىرۋ قورى بار. ساتىپ الۋ ءىس-شارالارى تۋرالى شەشىمگە سايكەس 687,2 ملن. تەڭگەگە ازىق-ت ۇلىك ونىمدەرىنىڭ بەس ءتۇرى ساتىپ الىندى: قانت, كۇرىش, ماكارون, 1 سۇرىپتى ۇن, قاراقۇمىق جانە وسىمدىك مايى.
پيلوتتىق رەجيمدە ماۋسىمارالىق ماۋسىمدا باعانى ساقتاۋ ءۇشىن كوكونىس تاڭبالاۋ باعدارلاماسى (كارتوپ, ءسابىز, پياز) سىنالدى. «الماتى اكك» اق جانە قالانىڭ ساۋدا كاسىپورىندارىندا كوكونىستىڭ ساتۋ باعاسىن بەلگىلەنگەن باعامەن ساتۋ بويىنشا بىرلەسكەن ءىس-شارالاردى جۇزەگە اسىردى. جەلىلەر اينالىم كاپيتالىن 500 ملن. تەڭگەگە قامتاماسىز ەتۋ ماقساتىندا, 1,1 ملرد. تەڭگەگە 10 مىڭ توننا كوكونىس ساتىلدى. اتالعان ءىس-شارانىڭ ماقساتىندا كارتوپ 5,7%, ءسابىز 1,4% جانە پياز باعاسى 9% دەيىن تومەندەدى.
سونىمەن قاتار, باسقارماسى باستىعىنىڭ ورىنباسارى ازىق-ت ۇلىك ونەركاسىبى دامۋىنىڭ قارقىنى جانە اگروونەركاسىپتىك كەشەندى مەملەكەتتىك قولداۋ تەتىكتەرى تۋرالى اڭگىمەلەپ بەردى.
عالىم سۇلەيمەن,
الماتى