بىرىڭعاي جيناقتاۋشى زەينەتاقى قورى تانىمال Telegram مەسسەندجەرى ءۇشىن ءوزىنىڭ بوتىن ىسكە قوستى. پايدالانۋشىلار جاڭا قىزمەتتىڭ كومەگىمەن قىسقا ءۇزىندى-كوشىرمە الۋ نەمەسە ءۇزىندى-كوشىرمەنى ەلەكتروندىق پوشتاسىنا جىبەرۋ, جەكە كابينەتكە كىرۋ ءپارولىن قايتا قالپىنا كەلتىرۋ, قوردىڭ ماڭىزدى جاڭالىقتارى مەن اعىمداعى كورسەتكىشتەرىمەن تانىسۋ جانە ونىڭ ەڭ جاقىن بولىمشەسىن تابۋ مۇمكىندىگىنە يە بولادى.
ودان باسقا, بوت نەگىزگى ۆاليۋتالاردىڭ (اقش دوللارى, ەۋرو, رۋبل) اعىمداعى باعامىن حابارلايدى, سونىمەن قاتار جول قوزعالىسى ەرەجەسىنىڭ بۇزىلۋىنا قاتىستى ايىپپۇلدىڭ بار-جوعىن تەكسەرىپ, بجزق ۇيالى قوسىمشاسىن جۇكتەۋگە سىلتەمە جاسايدى. الداعى ۋاقىتتا بوتتىڭ كورسەتەتىن قىزمەتىن كەڭەيتىپ, بارىنشا پايدالى جانە ىڭعايلى ەتۋ جوسپارلانۋدا.
اتالعان قىزمەتتەردى پايدالانۋ ءۇشىن بوتتى مەسسەندجەرگە قوسۋ كەرەك. بۇل ءۇشىن ىزدەۋ جولاعىنا «enpfbot» اتاۋى ەنگىزىلەدى. العاش ىسكە قوسقاندا پايدالانۋشىلارعا قىزمەت كورسەتۋ ءتىلى رەتىندە مەملەكەتتىك نەمەسە ورىس ءتىلىن تاڭداۋ ۇسىنىلادى. كەيىن ونى نەگىزگى مازىردە اۋىستىرۋعا بولادى.
ەسكە سالا كەتۋ كەرەك, وتكەن جىلدىڭ ءساۋىر ايىندا قور Telegram مەسسەندجەرىندە رەسمي @enpfkz ارناسىن ىسكە قوسقان-دى. وعان جازىلعان پايدالانۋشى قازاقستان رەسپۋبليكاسىنىڭ جيناقتاۋشى زەينەتاقى جۇيەسى مەن بجزق قىزمەتى تۋرالى ماڭىزدى اقپاراتتار الا الادى.
ايناش ەسالي,
«ەگەمەن قازاقستان».
الماتى