وبلىس ورتالىعىندا «نۇر وتان» پارتياسى جەرگىلىكتى فيليالى باستاعان «بالالارعا ارنالعان تەگىن IT-سىنىپتار» جوباسىنىڭ ءبىرىنشى كەزەڭى اياقتالۋعا جاقىن.
«YBYRAI» جاس پروگرامميستەر ليگاسى» قوعامدىق قورىنىڭ ديرەكتورى ءازيزا شوجەەۆانىڭ ايتۋىنشا, بۇگىندە وبلىستاعى قالالارى مەن اۋدانداردا 15 IT-سىنىپ اشىلماق. بارلىق 15 سىنىپتا وقىتۋ الداعى اپتالاردا باستالادى. سىنىپتاردا ەلىمىزدىڭ جوعارى وقۋ ورىندارىن تەحنيكالىق ماماندىقتار بويىنشا بىتىرگەن تۇلەكتەرى جۇمىس جاسايدى. بولاشاق IT-مامانى, جوباعا قاتىسۋشى الماس نۇراحمەتوۆ. ول اۋتيزممەن اۋىراتىن بالالارعا ارنالعان موبيلدىك قوسىمشا جاساۋمەن اينالىسۋدا.
جەرگىلىكتى فيليال توراعاسىنىڭ ورىنباسارى ي. تەرەنچەنكونىڭ ايتۋىنشا, «نۇر وتان» پارتياسىنىڭ جوباسى قالادا, اۋىلداردا تۇراتىن بالالاردى Iت-بىلىمگە باۋلۋ ءۇشىن جۇرگىزىلۋدە. الەم تالابى كۇن سايىن وزگەرۋدە. Iت-تەحنولوگيالار ءتىلىن ۇيرەنۋ قاجەت. Iت-سىنىپتار سونداي-اق, وڭىردەگى شارباقتى, ۋسپەن, ۇشتەرەك اۋىلى مەكتەپتەرىندە اشىلدى.
قور ديرەكتورى ءا. شوجەەۆا جاڭاشىل جوبانى جەدەل جۇزەگە اسىرۋعا قولداۋ بىلدىرگەنى ءۇشىن وبلىس اكىمى بولات باقاۋوۆقا العىس ءبىلدىردى. ارنايى سۆيتشوت سىيعا تارتتى. ال «بالالارعا ارنالعان تەگىن IT-سىنىپتار» پارتيالىق جوباسى 3 جىلعا جوسپارلانعان. وسى ارالىقتا ەلىمىزدە 1000 IT-سىنىپ اشىلماق. وندا جالپى سانى 8 بەن 16 جاس ارالىعىنداعى 450 مىڭ جاس جەتكىنشەك وقىتىلادى. بالالار مۇندا باعدارلامالار, ۆەب-سايتتار, انيماتسيا جانە موبيلدىك قوسىمشالار جاساۋدى ۇيرەنەدى.
فاريدا بىقاي, «ەگەمەن قازاقستان» پاۆلودار سۋرەتتى تۇسىرگەن ايبەك جۇماتوۆ