سىرداريانىڭ سول جاعالاۋىنداعى جاڭا قالاشىقتى ەلەكتر قۇاتىمەن قامتۋ ماقساتىندا قۋاتتىلىعى 32 مۆت جابىق ترانسفورماتورلىق قوسالقى ستانتسياسىنىڭ قۇرىلىسى اياقتالدى.
- نىساننىڭ قۇرىلىس ماتەريالدارى مەن ەلەمەنتتەرى قولدانۋدا ىڭعايلى ءارى قاۋىپسىز جانە تسەلسي بويىنشا -40 پەن + 40 گرادۋس تەمپەراتۋراسىندا جۇمىس ىستەيدى, ول ءبىزدىڭ اۋا رايىندا وتە ماڭىزدى شارت. ترانسفورماتورلاردىڭ سىرتى ورتەنبەيتىن ماتەريالداردان جاسالعاندىقتان, ءورت شىعۋعا جول بەرمەيدى جانە سىرتقى وت كوزى سالدارىنان باستالعان ورتتە ۋلى گاز شىعارمايدى. سونداي-اق, قوسالقى ستانتسيا ىلعالدىلىق اسەرىنەن قورعالعان ءارى پايدالانۋ شىعىندارى از, دىبىس جانە ۆيبراتسيا دەڭگەيى تومەن جانە ساندىق تەحنولوگيالاردىڭ كومەگىمەن باسقارىلادى. مۇندا ديسپەتچەرلىك باسقارۋ, بايلانىس كانالدارى ارقىلى تەلەاقپارات جىبەرۋ جانە ەلەكتر قۋاتىن تۇتىنۋ ەسەبى قاراستىرىلعان, - دەيدى وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى مەدەت ۇسەين.
باقتيار تايجان,
«ەگەمەن قازاقستان».
قىزىلوردا وبلىسى.