پەتەربۋرگ حالىقارالىق ەكونوميكالىق فورۋمىنىڭ «قازاقستاننىڭ ينۆەستيتسيالىق مۇمكىندىكتەرى» اتتى سەسسياسىنا قاتىسقان ق.كەلىمبەتوۆ احقو جۇمىسىنىڭ اعىلشىن قۇقىعىنىڭ پرينتسيپتەرىنە نەگىزدەلەتىنىن ايتتى.
– «استانا» حالىقارالىق قارجى ورتالىعىنىڭ جۇمىسى اعىلشىن پرينتسيپتەرىنە نەگىزدەلەدى, دۇنيەجۇزىلىك وزىق تاجىريبەلەر قولدانىلادى. بۇل ورتالىق – جەكە قارجىلىق رەتتەۋ جولدارى بار, دەربەس سوتى مەن تورەلىك (اربيتراجنىي) ورتالىعى بار ءوز الدىنا بولەك ەكوجۇيە. ول قىتايدىڭ ىشىندەگى گونكونگ سياقتى دەربەس جۇمىس ىستەيدى. بۇل تىكەلەي شەتەلدىك ينۆەستيتسيا تارتۋعا باعىت ۇستاناتىن ارنايى ەكوجۇيە,– دەدى ق.كەلىمبەتوۆ.
ونىڭ ايتۋىنشا, قازىرگى تاڭدا ورتالىق جۇمىسىنا حالىقارالىق ينۆەستورلار قىزىعۋشىلىق تانىتىپ وتىر.
قارجى ورتالىعىندا حالىقارلىق بيرجا قۇرىلعانىن ايتقان ق.كەلىمبەتوۆ فورۋمعا قاتىسۋشىلاردى ورتالىق جۇمىسىمەن تانىسۋعا شاقىردى.
ارنۇر اسقار,
«ەگەمەن قازاقستان»