«پەتروپاۆل-قورعان» باعىتىنداعى شەكاراايماقتىق كۇرە جولدى كۇردەلى جوندەۋ جۇمىستارى بىلتىردان بەرى قىزۋ ءورىس العان.
ءۇش جىلعا جوسپارلانعان اۋقىمدى شاراعا رەسپۋبليكالىق قازىنادان 27 ميلليارد تەڭگە قاراستىرىلىپ, كەلەسى جىلى پايدالانۋعا بەرىلەدى.
باس مەردىگەر «ك-دورستروي» اق جەرگىلىكتى فيليالىنىڭ ديرەكتورى يۋري يۆاشوۆتىڭ ايتۋىنشا جولدىڭ ەنى 6-7 مەتردەن 13 مەترگە دەيىن كەڭەيتىلىپ, ۇستىڭگى قاباتىنا بىرنەشە قالىڭدىقتا اسفالت-بەتون جابىندىسى توسەلەتىن بولادى. بيىل جالپى ۇزىندىعى 60 شاقىرىم تاسجولدىڭ جارتىسىنا جۋىعىن قالپىنا كەلتىرۋ ءۇشىن 400 تەحنيكا بىرلىگى مەن 600 ادام جۇمىلدىرىلعان. جەرگىلىكتى قۇرىلىس ماتەريالدارى مەن وزىق تەحنولوگيالار قولدانىلۋدا. اۆتوماتتى تۇردە جۇمىس جاسايتىن قوندىرعىلار شەتەلدەن اكەلىنگەن.
«نۇرلى جول» باعدارلاماسى شەڭبەرىندە جۇرگىزىلىپ جاتقان جاڭعىرتۋ جۇمىستارىنىڭ ساپاسىن «ساپا سز» كاسىپورنى قاداعالايدى. بىلتىر 5 ميلليرد تەڭگە قارجى يگەرىلسە, جىل اياعىنا دەيىن 11 ميلليارد تەڭگەنىڭ جۇمىستارى اتقارىلماق.
«بۇدان تىسقارى 148 شاقىرىم جولعا ورتاشا جوندەۋ جۇمىستارى جۇرگىزىلەدى. پەتروپاۆل, بۋلاەۆو قالالارىنا كىرە بەرىس جەرلەرگە ەنەرگيا ۇنەمدەيتىن شامدار ورناتىلادى. 1468 شاقىرىم جول رەسپۋبليكالىق ماڭىزعا يە بولسا, بيىل 209 شاقىرىمى جوندەلەدى. بۇل وتكەن جىلعا قاراعاندا 1,5 ەسەگە ارتىق», دەيدى «قازاۆتوجول» ۇك اق سقوف ديرەكتورىنىڭ ورىنباسارى ءامىر كارىمباەۆ.
ءومىر ەسقالي,
«ەگەمەن قازاقستان»