«ۇلتتىق اقپارات­تىق تەحنولو­گيا­لار» اق جىلدىق جۇمىسى قورىتىندىلاندى

كومپانيا باسشىلارى ەلەكتروندى ۇكىمەتتى دامىتۋ بارى­سىن, «تسيفرلى قازاق­ستان» باع­دارلاماسى اياسىندا قولعا الىنعان جوبالار جايىن ءسوز ەتتى. اكتسيونەرلىك قوعام­نىڭ باس­­قارما توراعاسى اسەت تۇرى­سوۆ­تىڭ ايتۋىنشا, ا­لداعى ۋا­قىت­تا مەكەنجاي انىق­تاماسى, جىلجىماي­تىن م ۇلىكتىڭ بار نەمەسە جوق ەكەندىگى تۋرالى انىق­تامانى, زاڭدى تۇلعالارعا جانە جەكە تۇلعالارعا قاتىستى باسقا دا انىقتامالاردى SMS-حابارلاما ارقىلى الۋعا بولادى. بۇل قىزمەت تۇرلەرىن قول­دا­نۋ ءۇشىن ءموبيلدى ازاماتتار بازاسىندا تىركەلۋ قاجەت. ياعني تەلەفونىڭىزدىڭ ءنومىرى egov.kz پورتالىنىڭ پرو­فيلىنە بە­كىتىلۋگە ءتيىس. الىن­عان انىق­تا­ما­نى تەلەفونعا ساقتاپ قويۋعا نەمەسە e-mail ارقىلى جولداۋعا بولادى. اكتسيونەرلىك قوعام جۋىق ارادا باسقا دا قىزمەت تۇرلەرىن كوبەيتۋدى جوسپارلاۋدا. 

سونىمەن بىرگە كومپانيا egov.kz پورتالىنىڭ رەديزاينىن جاساۋدى قاراستىرىپ وتىر. پورتالدىڭ قازىرگى ديزاينى 2012 جىلى جاسالعان, قازىرگى زاماناۋي تالاپتارعا ساي ەمەس. قولدانۋشىمەن كەرى بايلانىس ورناتۋ ءۇشىن پورتال­دىڭ beta-نۇسقاسى ازىرلەنگەن. ازاماتتار وندا وزدەرىنىڭ ۇسىنىس-پىكىرلەرىن قالدىرا الادى, دەيدى ءا.تۇرىسوۆ. جوس­پارعا سايكەس, ۇلتتىق كۋالان­دىرۋشى ورتالىقتىڭ (pki.gov.kz) دا سايتى قايتا جاسالماق.

«ۇلتتىق اقپاراتتىق تەحنولوگيالار» اق e-gov.kz پورتالىن ىسكە قوسقاننان بەرگى 8 جىلدا ونى پايدا­لانۋ­­شى­لار سانى 650 ەسەگە كوبەيىپتى. ال اتالعان ۋاقىت ارا­لىع­ىندا ەلەكتروندى ۇكى­مەتتىڭ قولدانىستاعى 235 قىز­مەتى مەن سەرۆيسى بويىنشا ازاماتتارعا 200 ميل­ليونعا جۋىق قىزمەت كورسەتىلگەن. بۇل دەگەنىمىز قاعازباس­تى­لىقتان ارىلىپ, قاجەتتى قۇجاتتار­دى ەلەكتروندى تۇردە الۋ­دىڭ قولجەتىمدى بولا تۇسكەندىگىن كورسەتەدى. 

بۇعان دەيىن «100 ناقتى قا­دام» ۇلت جوسپارىنىڭ 94, 96-قادامدارىن ىسكە اسىرۋ بويىنشا «اشىق ۇكىمەت» پور­تالى ىسكە قوسىلعان بولا­تىن. وندا 2828 اشىق دەرەك جيىنتىعى, 25 492 نورماتيۆ­تىك-قۇقىقتىق اكتى, 26 357 بيۋد­جەتتىك باعدارلاما, 7 408 اۋديت, قارجىلىق باقىلاۋ, 63 مەملەكەتتىك ورگانداردىڭ بيۋد­جەتتىك ەسەپتەرىنىڭ ەلەك­ترون­دىق نۇسقاسى قامتىلعان. بۇعان قوسا, «اشىق ديالوگ» الاڭى قۇرىلىپ, وعان سوڭعى 5 جىلدا 221 مىڭ­نان اسا ءوتىنىش كەلىپ ءتۇسىپ­تى. ولاردىڭ 88 پايىزىنا مەملەكەتتىك ورگاندارمەن بىرلەسە وتىرىپ ناقتى جاۋاپتار بەرىلگەن.

ەركەجان ايتقازى,

«ەگەمەن قازاقستان»