زايچيكوۆ التىن جۇلدەدەن قاعىلدى

شىمكەنت قالاسىنداعى بيك سپورت كەشەنىندە وتكەن چەم­پيو­ناتتىڭ العاشقى جارىس كۇنىن­دە ەرلەر 56 كيلودا باق سىناسا, قىزدار 48 جانە 53 كيلو سال­ماقتا ءوزارا سىنعا ءتۇستى. ەرلەر ارا­سىنداعى سايىستا ءبىرىنشى ورىن­دى ريو وليمپياداسىنىڭ قاتى­سۋشىسى ارلي چونتەي (115+136) جەڭىپ الدى. قىزدار ارا­سىنداعى 48 كيلو سالماقتا 16 جاستاعى يۋليا پوتاسوۆا (72+88) جەڭىمپاز اتانسا, 53 كيلودا جاسوسپىرىمدەر اراسىنداعى الەم چەمپيوناتىنىڭ كۇمىس جۇل­دەگەرى ايگەرىم اۋىلبەك (75+90) تەڭدەسسىز دەپ تانىلدى.

چەمپيوناتتىڭ ەكىنشى كۇنى تارتىسقا تولى بولدى. جارىس­تى 62 كيلو سالماقتاعى ەرلەر باس­تادى. بۇل سالماقتا ريو وليم­پيا­داسىنىڭ قولا جۇلدەگەرى فار­حات حاركيگە تەڭ كەلەر ەشكىم بولمادى (115+150). جۇلقي كوتەرۋدە ونىڭ ءبىر عانا مۇمكىندىكتى پاي­دا­لانعانى جەڭىسكە جەتۋىنە ەش كە­دەرگى بولمادى. قىزدار اراسىندا 58 كيلودا ساۋلە سادۋاقاسوۆا (91+121) مەن 63 كيلو سالماقتا سىن­عا تۇسكەن اسەم سادىقوۆا ەل چەم­پيونى اتاندى.

جارىستىڭ ءۇشىنشى كۇنى 69 جانە 75 كيلو سالماق بويىنشا ەرلەر جانە قىزدار باسەكەسى ءوتتى. التىن مەدال الماتى وب­لى­سىنىڭ وكىلى اناتولي سا­ۆەلەۆكە (131+168) بۇيىردى. ال قىزدار سايىسىندا 69 كيلو سال­­ماقتا نا­دەجدا ليحاچەۆا (115+140) ۇزدىك دەپ تانىلدى. 75 كي­لودا التىناي دامەنگە (99+125) تەڭ كەلەر ەشكىم بولعان جوق.

ەل بىرىنشىلىگىنىڭ ءتورتىنشى جارىس كۇنىندە قىزدار باسەكەسى مارەسىنە جەتتى. 90 كيلودا جاستار اراسىنداعى الەمنىڭ بەس دۇركىن جەڭىمپازى نادەجدا نوگاي (111+132) ەشكىمگە دەس بەرمەسە, 90 كيلودان جوعارى سالماقتا اي­زادا ءمۇپتىلدا (110+138) ءوز سال­ماعىنىڭ ۇزدىگى اتاندى. سونداي-اق بۇل كۇنى 77 كيلوداعى ەرلەر اراسىندا سىنعا تۇسكەن 2017 جىلعى ازيا چەمپيونى ايدار قازوۆ (143+181) ءسوزسىز جەڭىمپاز اتاندى. بەسىنشى كۇنگى جارىس­تا ريو وليمپياداسىنىڭ قولا جۇلدەگەرى دەنيس ۋلانوۆ 85 كيلو سالماقتا توپ جارسا (170+205), 94 كيلودا 2015 جىلعى ازيا چەم­پيونى رۇستەم سىبايعا (156+210) تەڭ كەلەر قارسىلاس تابىلمادى.

چەمپيوناتتىڭ سوڭعى كۇنىندە جارىس جولىنا 105 جانە +105 كيلو سالماقتاعى اۋىراتلەتتەر شىقتى. 105 كيلودا يبراگيم بەرسانوۆ قوس سايىس بويىنشا 377 كيلو (175+202) سالماقتى وڭاي ەڭسەرىپ, چەمپيون بولدى. 2016 جىلعى ريو وليمپياداسىنىڭ قولا جۇلدەگەرى الەكساندر زاي­چيكوۆ (170+201) ەكىنشى ورىندى قاناعات تۇتتى. ال +105 سالماقتا سەليمحان ابۋباكاروۆ توپ جاردى. ول قوس سايىس بويىنشا 395 (175+220) كيلونى باعىندىردى.

اۋىر اتلەتيكادان قازاقستان كۋبوگى مەن چەمپيوناتىنىڭ قورى­تىندىسى بويىنشا قى­زىلوردا وبلىسىنىڭ قۇراماسى 189 ۇپايمەن ءبىرىنشى ورىندى جەڭ­ىپ الدى. ەكىنشى ورىندى ال­ماتى وبلىسى (184 ۇپاي), ءۇشىنشى ورىندى الماتى قالاسىنىڭ اۋىراتلەتتەرى (181 ۇپاي) يەلەندى.

ەندى اۋىر اتلەتيكادان ەل چەمپيونى اتانعان سپورتشىلار دجاكارتادا وتەتىن ازيا ويىندارىنا دايىندالاتىن بولادى.

ءالي بيتورە,

«ەگەمەن قازاقستان»