كاسپي جاعالاۋىندا سۋعا شومىلۋ كەزەڭى باستالۋىنىڭ قارساڭىندا تەڭىزدە ادامداردىڭ قازا بولۋىنىڭ الدىن الۋ جانە قاۋىپسىزدىك ەرەجەلەرىن ساقتاۋ ماقساتىندا اقتاۋ قالاسى توتەنشە جاعدايلار باسقارماسىنىڭ قىزمەتكەرلەرى جەدەل-قۇتقارۋ جاساعىمەن بىرلەسىپ, تەڭىز جاعالاۋلارىندا رەيد شاراسىن جۇرگىزدى.
رەيد بارىسىندا قىزمەتكەرلەر دەمالۋشىلارعا سۋداعى ولىمدەردىڭ سەبەپتەرى مەن سالدارىن ءتۇسىندىرىپ, ولاردىڭ ىشىندەگى باسىم بولىگى ماس كۇيىندە سۋعا ءتۇسۋ, تىيىم سالىنعان جەرلەردە, بالالاردى قاراۋسىز سۋ جاعاسىندا قالدىرۋ ەكەنىن ايتىپ ءوتتى. قاۋىپسىزدىك ەرەجەلەرىن ساقتاۋ تۋرالى تولىعىمەن ءتۇسىندىرىلىپ, جادنامالار تاراتىلدى. جىل سايىن سۋعا ءتۇسۋ ماۋسىمىندا العاش بولىپ قاۋىپسىزدىك ەرەجەلەرىن ساقتاماي سۋعا تۇسەتىندەر دە بالالار ەكەنى بەلگىلى.
اقتاۋ قالاسى توتەنشە جاعدايلار باسقارماسىنىڭ قىزمەتكەرلەرىمەن سۋعا شومىلۋ ماۋسىمىندا ۇگىت-ناسيحات ءتۇسىندىرۋ جۇمىستارى الداعى ۋاقىتتا دا جالعاسىن تاباتىن بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى