جەنەۆاداعى كوركەم عيماراتتاردىڭ ءبىرى – «Four Seasons Hotel» قوناق ۇيىندە قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان رەسمي ديپلوماتيالىق قابىلداۋ ءوتتى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
سالتاناتتى شاراعا بىرىككەن ۇلتتار ۇيىمى باس حاتشىسىنىڭ ورىنباسارى – بۇۇ جەنەۆاداعى بولىمشەسىنىڭ باس ديرەكتورى قاسىم-جومارت توقاەۆ, حالىقارالىق ۇيىمدار جانە ديپلوماتيالىق كورپۋس باسشىلارى مەن قىزمەتكەرلەرى, جەرگىلىكتى مەملەكەتتىك ورگاندار وكىلدەرى قاتىستى.
قابىلداۋ بارىسىندا قاتىسۋشىلار پرەزيدەنت ن.نازارباەۆتىڭ باسشىلىعىمەن مەملەكەتىمىزدىڭ 20 جىلدا قول جەتكىزگەن تابىستارى اتاپ ءوتىلدى. قازاقستاننىڭ ەقىۇ-عا توراعالىعى مەن استانا سامميتi, يىۇ مەن شىۇ-عا توراعالىعى جانە باسقا دا باستامالارىن ەلىمىزدىڭ حالىقارالىق ارەنادا جوعارى بەدەلiنiڭ كورىنىسى رەتىندە ايقىنداي وتىرىپ, بۇۇ-مەن ورناتىلعان ىنتىماقتاستىققا كەلەسى جىلى 20 جىل تولاتىندىعى ءسوز بولدى.
قوناقتارعا قازاق ۇلتتىق تاعامدارى ۇسىنىلىپ, تاۋەلسىزدىگىمىزدىڭ 20 جىلدىعىنا وراي ىزگى قۇتتىقتاۋلارى مەن تىلەكتەستىكتەرىن بىلدىرە كەلگەن شەتەلدىك مەيمانداردى شۆەيتساريادا مۋزىكالىق ءبىلىم الىپ جۇرگەن جاس تالانتتارىمىز قازاق اۋەندەرىن كلاسسيكالىق ورىنداۋمەن ءتانتى ەتتى.