ەلوردا تۇرعىندارى اعاش كوشەتتەرىن وتىرعىزىپ, قالانىڭ ءار اۋدانىنداعى الاڭدار مەن اۋلالاردى قالىپقا كەلتىردى, دەپ حابارلايدى استانا اكىمدىگىنىڭ رەسمي سايتى.
ء«بىز تازا ەلوردانى قولدايمىز!» جالپىقالالىق سەنبىلىگى كەزىندە اۋدان اكىمدەرى اپپاراتتارى اعاشتاردى وتىرعىزۋ, ولاردى اقتاۋ, بەكىتىلگەن اۋماقتاردى, ساياباقتار مەن گۇل باقتارىن تازارتۋ, بەلگىلەنبەگەن جەردە قالىپتاسقان قوقىس ورىندارىن جويۋ جۇمىستارىن جۇرگىزدى.
ەكولوگيالىق شاراعا قالانىڭ 110 مىڭنان استام تۇرعىنى مەن 4 729 كاسىپورنىنىڭ قىزمەتكەلەرلەرى قاتىستى. ولاردىڭ 57-ءسى – جوعارى جانە ورتا-كاسىبي وقۋ ورىندارى, 146-سى – مەكتەپكە دەيىنگى جانە جالپى ءبىلىم بەرەتىن مەكەمەلەر, 74-ءى – دەنساۋلىق ۇيىمدارى, 166-سى – مەملەكەتتىك مەكەمەلەر, ۆەدومستۆولار مەن ۇلتتىق كومپانيالار. ناۋقانعا جۇك تيەگىشتەردىڭ 161, جۇك كولىكتەرىنىڭ 372 بىرلىگى مەن باسقا دا مامانداندىرىلعان تەحنيكا جۇمىلدىرىلدى.
اكتسيا اياسىندا جالپى اۋدانى 3,9 ملن شارشى مەتردى قۇرايتىن ساياباقتار مەن ءۇل باقتارىنىڭ اۋماقتارى جينالىپ, قىزىل تال, تاتار ۇيەڭكىسى, قاراعاي, شىرشا, قايىڭ, ەمەن, تەرەك, شەتەن سياقتى اعاشتاردىڭ 18094 كوشەتى, 3000 بۇتا ەگىلدى.
«الماتى» اۋدانىندا سەنبىلىككە 12080 ادام مەن 459 مەكەمەنىڭ قىزمەتكەرلەرى شىقتى. مامانداندىرىلعان تەحنيكانىڭ 143 بىرلىگى جۇمىلدىرىلدى. ولاردىڭ 105-ءى – جۇك اۋدارعىش كولىكتەر, 38-ءى – جۇك تيەگىشتەر. مۇندا 4 518 اعاش وتىرعىزىلسا, 40 000 اعاش اقتالدى.
«بايقوڭىر» اۋدانىنداعى تازالاۋ جۇمىستارىنا 13 500 ادام مەن 1 665 كاسىپورىننىڭ قىزمەتكەرلەرى قاتىستى. جۇمىلدىرىلعان 68 مامانداندىرىلعان تەحنيكانىڭ 51-ءى – جۇك اۋدارعىشتار, 17-ءسى – جۇك تيەگىشتەر. اعاشتاردىڭ 11 106, بۇتالاردىڭ 3000 كوشەتى وتىرعىزىلسا, التى مىڭنان استام اعاش اقتالعان ەكەن.
ال «ەسىل» اۋدانىندا سەنبىلىككە 16800 ادام, 680 كاسىپورىننىڭ قىزمەتكەرلەرى كەلدى. ارنايى تەحنيكانىڭ 132, ياعني, جۇك تيەگىشتەردىڭ 95, 37 جۇك تيەگىشتەردىڭ بىرلىگى جۇمىلدىرىلدى. اعاشتاردىڭ 11 106, بۇتالاردىڭ ءۇش مىڭنان استام كوشەتى ەگىلدى. اقتالعان اعاشتاردىڭ سانى – 6000.
«سارىارقا» اۋدانىندا وتكەن اكتسياعا 68 251 ادام مەن 1 925 كاسىپورىننىڭ قىزمەتكەرلەرى بەلسەنە ارالاستى. مامانداندىرىلعان تەحنيكانىڭ 190 بىرلىگى جۇمىلدىرىلىپ, 2070 اعاش ەگىلدى. قاتىسۋشىلار 1040 اعاشتى اقتادى.
بۇدان بولەك, «سارىارقا» اۋدانىندا ەكولوگيالىق ايلىق اياسىندا ەمەن, الما, شيە جانە بورتەگۇل اللەيالارى پايدا بولدى. وسىلايشا اۋدان اۋماعىنداعى شەۆچەنكو كوشەسىندە 80 ەمەن اعاشى, كەڭەسارى كوشەسىندە شيە مەن الما تالدارى, شەۆچەنكو كوشەسى مەن الايا داڭعىلىنىڭ ارالىعىندا جاتقان سارىارقا داڭعىلىنىڭ بويىندا بورتەگۇلدىڭ 100 بۇتاسى وتىرعىزىلدى.
قالا سىرتىنا قالدىقتاردىڭ 5 مىڭعا تارتا تونناسى شىعارىلدى.