«سالانگ» اسكەري-پاتريوتتىق كلۋبىنىڭ مۇشەلەرى رەسەيدىڭ نوۆگورود وبلىسىندا وتكەن ءۇش اپتالىق «زەردە ۆاحتاسىندا» بولىپ قايتتى.
تىنىمسىز ىزدەستىرۋ شارالارىن جۇرگىزۋ بارىسىندا 10 جاۋىنگەردىڭ سۇيەك قاڭقالارى تابىلىپ, جەر قوينىنا تاپسىرىلدى.
اتالمىش بىرلەستىك «وسكەلەڭ ۇرپاقتى پاتريوتيزمگە تاربيەلەۋ جانە اسكەري پاتريوتتىق كلۋبتاردى قولداۋ» باعدارلاماسىنا دا بەلسەنە قاتىسىپ كەلەدى.
«وسى جولعى ەكسپەديتسيامىز دا ءساتتى اياقتالدى. 9 ادامنان تۇراتىن جاساق پارفينسكوە اۋدانى ماڭايىندا ىزدەستىرۋ جۇمىستارىن جۇرگىزىپ, بىرنەشە قازاقستاندىق جاۋىنگەردىڭ مۇردەلەرىن تاپتى. سولاردىڭ ءبىرى – اقمولا وبلىسىنىڭ تۋماسى ماكسيم سەرىي. ونىڭ 1917 جىلى تۋعانى, پۋلەمەتشى بولعانى, فاشيستەرمەن شايقاس كەزىندە كورسەتكەن ەرلىگى ءۇشىن «قىزىل جۇلدىز» وردەنىمەن ماراپاتتالعانى انىقتالدى.
ەكسپەديتسيانىڭ ەڭ جاس مۇشەلەرىنىڭ ءبىرى دميتري فرولكوۆ «سالانگ» اسكەري-پاتريوتتىق كلۋبىنىڭ قۇرامىنا 2013 جىلى قابىلدانىپتى. بيىل «زەردە ۆاحتاسىنا» ءبىرىنشى رەت قاتىسىپتى. بۇل جولعى ەكسپەديتسياعا تمد ەلدەرىنەن 26 جاساق كەلىپ, 418 جاۋىنگەردىڭ سۇيەكتەرى تابىلدى, دەيدى ول.
ءومىر ەسقالي, «ەگەمەن قازاقستان»