12-17 مامىر كۇندەرى ارالىعىندا «داۋلەت» سپورت كەشەنىندە ايەلدەر اراسىندا بوكستان قازاقستان چەمپيوناتى وتەدى, دەپ حابارلايدى استانا اكىمدىگىنىڭ سايتى.
جارىستىڭ باستى ماقساتى - حالىق اراسىندا بۇقارالىق سپورتتى دامىتۋ جانە ەلدىڭ ەڭ ۇزدىك سپورتشىلارىن انىقتاۋ.
چەمپيونات ۇيىمداستىرۋشىلارى - قر مادەنيەت جانە سپورت مينيسترلىگى, ەلوردانىڭ مادەنيەت جانە سپورت باسقارماسى, «استانا قالاسى اكىمدىگىنىڭ سپورتتىق-بۇقارالىق ءىس-شارالاردى وتكىزۋ ديرەكتسياسى» كوممۋنالدىق-قازىنالىق كاسىپورنى.
چەمپيونات AIBA تالاپتارىنا ساي 10 سالماق ساناتى بويىنشا وتەدى. ۇيىمداستىرۋشىلار جەڭىمپازدار مەن جۇلدەگەرلەر ۇلتتىق وليمپيادالىق كوميتەتتىڭ ەرەجەلەرىنە سايكەس ارنايى ديپلومدارمەن جانە مەدالدارمەن ماراپاتتالاتىنىن اتاپ وتۋدە. چەمپيوناتتىڭ اشىلۋى 13 مامىر كۇنى ساعات 16:00-دە وتەدى.
الدىن الا جەكپە-جەكتەر: 13 مامىر كۇنى ساعات 16:30-دا, 14 مامىر كۇنى ساعات 12:00-دە; ¼ فينال: 15 مامىر, ساعات 12:00-دە; جارتىلاي فينال: 17 مامىر, ساعات 12:00-دە وتەتىنى جوسپارلانعان.