«تسيفرلىق تەمىر جول» قازاقستاننىڭ لوگيستيكالىق احۋالىن جاقسارتادى

2018–2022 جىلدارعا ارنالعان سالالىق «تسيفرلىق تەمىر جول» ستراتەگياسىنىڭ اتقارىلۋ بارىسى تۋرالى «قازاقستان تەمىر جولى» ۇك» باسشىسى قانات الپىسباەۆ باياندادى.

ق. الپىسباەۆ كومپانيانىڭ جۇك, جولاۋشىلار تاسىمالى, تەمىر جول ينفراقۇرىلىمى جانە كولىك لوگيستيكاسى سىندى نەگىزگى وپەراتسيالىق سەگمەنتتەرىندە زاماناۋي اقپاراتتىق جۇيەلەردىڭ وندىرىسكە ەنگىزىلىپ جاتقانىن حابارلادى.

«تسيفرلىق تەمىر جول» ستراتەگياسى 21 جوبانىڭ ورىندالۋىن كوزدەيدى, ونىڭ ەكەۋى «تسيفرلىق قازاقستان» مەملەكەتتىك باعدارلاماسى بويىنشا ىسكە اسىرىلۋدا», —دەدى «قتج» باسشىسى.

جولاۋشىلار تاسىمالىندا تاپسىرىس بەرۋشىلەرگە كورسەتىلەتىن قىزمەت ساپاسىن ارتتىرۋ كوزدەلگەن. جولاۋشىلار تاسىمالىندا ەلەكتروندى بيلەت الۋ تەحنولوگياسى بالامالى تۇردە ينتەرنەت رەسۋرسىن پايدالانۋ ارقىلى جۇرگىزىلەدى. پويىزدارداعى بوس ورىندار اشىق كورسەتىلەدى, «كۇتۋ پاراعى» جانە «پويىزدار رەيتينگى» فۋنكتسيالارى بار. قازىرگى تاڭدا 17 مىڭنان استام تەرمينال قامتىلعان. 2017 جىل قورىتىندىسى بويىنشا جالپى بيلەت ساتىپ الۋدىڭ 64%-ءىن ەلەكتروندى بيلەتتەر قۇرادى. مۇنى 2020 جىلعا دەيىن 90% جەتكىزۋ جوسپارلانىپ وتىر.

«قازىرگى تاڭدا كليەنتتەردىڭ وتىنىمدەرىن 24/7 رەجيمىندە ورتالىقتاندىرىلعان باسقارۋ جەلىسىن ەنگىزۋ جوسپاردا بار, بۇل كليەنتتەردىڭ ارىز, شاعىمدارىنا جەدەل ارەكەت ەتۋگە مۇمكىندىك بەرىپ, كەرى بايلانىستى دامىتادى», — دەدى ق. الپىسباەۆ.

مۋلتيمودالدىق تاسىمالدار سالاسىنداعى تسيفرلاندىرۋ پروتسەستەرى ترانزيتتىك كونتەينەرلىك تاسىمالدى دامىتۋعا باعىتتالعان. قازىرگى تاڭدا ەلەكتروندى بيرجاعا ارنالعان بىرىڭعاي پلاتفورما قۇرىلعان. وعان 1700-دەن استام كليەنت قاتىسۋدا. «قورعاس — شىعىس قاقپاسى» اەا پروتسەستەرىن اۆتوماتتاندىرۋ جۇيەسى ەنگىزىلگەن. بۇل كولىكتىڭ ءوتۋىن 10 مينۋتتان 30 سەكۋندقا دەيىن قىسقارتتى. قاتىسۋشىلاردىڭ تىركەلۋ كەزىندەگى شىعىنىن €2000-دان €200-عا دەيىن قىسقارتىپ, جەمقورلىق قاۋىپتەرىن تومەندەتەدى.

«تاپسىرىس بەرۋدى وڭدەۋ ۋاقىتىن قىسقارتۋ مەن اسا وڭتايلى لوگيستيكالىق باعداردى انىقتاۋ ماقساتىندا ء«بىر تەرەزە» قاعيداسى بويىنشا ءمۋلتيمودالدى تاسىمالداردى باسقارۋدىڭ بىرىكتىرىلگەن پلاتفورماسى ەنگىزىلىپ جاتىر», — دەدى ق. الپىسباەۆ.

جۇكتى تەمىرجول تاسىمالدارىنا دا اقپاراتتىق جۇيەلەر ەنگىزىلۋدە. ولار تاسىمالداۋ پروتسەسىن ۇيىمداستىرۋدىڭ تيىمدىلىگىن ارتتىرادى, تاۋارلاردى ۋاقىتىندا جەتكىزۋدى جانە ولاردىڭ قاۋىپسىزدىگىن قامتاماسىز ەتەدى, باسقا تەمىرجول اكىمشىلىكتەرىنىڭ شەكارالارىن كەسىپ ءوتۋ راسىمدەرىن جەڭىلدەتەدى.

«كومپانيا جۇكتەردى ونلاين رەجيمدە قاداعالاۋ قىزمەتتەرىن ەنگىزدى, جۇك قاۋىپسىزدىگىن قامتاماسىز ەتەتىن جانە جۇكتىڭ رۇقسات ەتىلمەگەن قول جەتكىزۋ ارەكەتتەرىنە تەز ارادا جاۋاپ قايتاراتىن ەلەكتروندى ق ۇلىپ قۇرىلعىلارىنىڭ جۇيەسىن, « كەلىسىمشارتتىق جانە كوممەرتسيالىق جۇمىس» اۆتوماتتاندىرىلعان جۇيەسىن ەنگىزدى. جۇك تاسىمالداۋ ءۇشىن 100% «قاعازسىز» ءوتىنىش بەرۋ, سونداي-اق قر قم ككد «استانا-1» اقپاراتتىق جۇيەسىمەن بىرىكتىرۋ جۇزەگە اسىرىلدى», — دەپ مالىمدەدى ق. الپىسباەۆ.

كومپانيادا «تسيفرلىق تەمىر جول» اياسىندا شىعىنداردى وڭتايلاندىرۋ, جولدىڭ تسيفرلىق دياگنوستيكا جوباسىن ەنگىزۋ, پويىزداردىڭ قوزعالىسىن جانە 17 تەمىر جول ۆوكزالىنىڭ تسيفرلىق سەرۆيستەرىن باسقارۋ ورتالىعىنىڭ جۇمىسىن جەتىلدىرۋ شارالارى جۇرگىزىلىپ جاتىر.

الدىن الا باعالاۋ بويىنشا, ستراتەگيا جوبالارىن ىسكە اسىرۋدان تۇسەتىن جالپى ەكونوميكالىق تيىمدىلىك 115 ملرد تەڭگەنى قۇرايدى.

«تسيفرلىق قازاقستان» مەملەكەتتىك باعدارلاماسىنىڭ جوبالارىن تابىستى جۇزەگە اسىرۋ ەلىمىزدىڭ لوگيستيكالىق احۋالىن جاقسارتا تۇسەدى», — دەپ اتاپ ءوتتى ق. الپىسباەۆ.