الماتىداعى «بوبەك» ۇلتتىق ورتالىعىندا ناۋرىز مەيرامى تويلاندى. بۇل شاراعا قازاقستان رەسپۋبليكاسىنىڭ ءبىرىنشى حانىمى سارا نازارباەۆا, ءبىلىم جانە عىلىم ۆيتسە-ءمينيسترى بيبىگۇل اسىلوۆا, اتالعان مينيسترلىكتىڭ بالالار قۇقىعىن قورعاۋ كوميتەتىنىڭ توراعاسى نۇربەك ورشۋبەكوۆ قاتىستى.
ءاز-ناۋرىزدا كۇن مەن ءتۇن تەڭەلەدi. تابيعات پەن جەر-انا قۇلپىرادى. جان-جانۋارلار تۇلەيدi. تال-تەرەكتەر بۇرشiك جارادى. قازاقتىڭ سايىن دالاسىن قىزىر بابا كەزiپ, ادام بالاسىنا قۇت-بەرەكە, باق-داۋلەت سىيلايدى. قاسيەتتi قارا جەر, قارا توپىراق بۋسانادى. ۇلى دالانىڭ توسiندە قىزعالداقتار قۇلپىرا ءوسiپ, بەل-بەلەستەرگە قىزىلدى-جاسىلدى كiلەم توسەلەدi. ۇلان-بايتاق قازاقستاننىڭ حالقى جەتi ءتۇرلi دامنەن ناۋرىزكوجە جاساپ, ۇلتتىق سالت-ءداستۇر, ادەت-عۇرىپتاردى ساقتاپ, اي بويى ۇلىستىڭ ۇلى كۇنiن تويلايدى.
«بوبەك» ورتالىعىندا وتكەن مەرەكەلىك ءىس-شارانىڭ تاقىرىپتىق يدەياسى – «رۋحاني جاڭعىرۋ: ماڭگىلىككە باستار جول». كوكتەمگى مەيرامنىڭ جارقىن داستۇرلەرى وسى شارا بارىسىندا رۋحاني-ادامگەرشىلىك قۇندىلىقتار اسپەكتىندە كورسەتىلدى. وسى مەرەكەگە قاتىسقان بالالار ءۇيىنىڭ تاربيەلەنۋشىلەرى, گيمنازيا مەن كوللەدج شاكىرتتەرى, «بوبەك» ورتالىعىنىڭ قىزمەتكەرلەرى جانە باسقا دا مەيماندارعا قۇتتىقتاۋ سوزدەرىن ارناعان سارا نازارباەۆا مەن بيبىگۇل اسىلوۆا ناۋرىز مەيرامىنىڭ ءمانى مەن ماڭىزىنا ەرەكشە توقتالدى.
ورتالىقتىڭ ات شاپتىرىم اۋماعىندا كيىز ۇيلەر تىگىلىپ, مول داستارقان جايىلدى. شاراعا قاتىسۋشىلاردىڭ بارلىعى دا ناۋرىزكوجەدەن ءدام تاتىپ, شىعىس حالىقتارىنىڭ باستى مەيرامى سانالاتىن – ۇلىستىڭ ۇلى كۇنى تۋراسىندا تارتىمدى اڭگىمەنىڭ تيەگىن اعىتتى. ودان كەيىن مەرەكەلىك باعدارلاما گالا-كونتسەرتكە ۇلاستى. جينالعان قاۋىم «بوبەك» ورتالىعى ونەرپازدارىنىڭ ورىنداۋىنداعى سان الۋان كورنىستەردى تاماشالادى. حالىق اندەرى شىرقالدى. تەاترلاندىرىلعان كورىنىستەر قويىلدى. كەرەمەت كۇيلەر ورىندالدى. كەڭ-بايتاق, قوناقجاي قازاق ەلىندە تۇرىپ جاتقان وزگە دە حالىقتاردىڭ ۇلتتىق بيلەرى بيلەنىپ, تاريحي-مادەني كومپوزيتسيالار قويىلدى.
عالىم سۇلەيمەن,
«ەگەمەن قازاقستان»
الماتى