ەلىمىزدىڭ بارلىق وڭىرلەرىندە 2017 جىلعى 1 قاراشادان مەكەنجايدى تىركەۋ كودتارى نەگىزىندەگى «حالىقتى قۇجاتتاندىرۋ جانە تىركەۋ» اقپاراتتىق جۇيەسى ارقىلى مەكەن-جاي مالىمەتتەرىن جاڭا فورماتقا ەنگىزۋ جونىندەگى جاڭا سەرۆيس ىسكە قوسىلعان بولاتىن.
بۇل قىزمەت جاڭا جۇيەگە مالىمەتتەر ەنگىزۋ جولىمەن جۇزەگە اسىرىلادى. دەگەنمەن جاڭا سەرۆيس قوسىلعالى, ينتەرنات-مەكتەپتەر مەن قارتتار ۇيلەرىندە, جاتاقحانالاردا تۇرىپ جاتقان ازاماتتاردان تىركەۋگە قاتىستى ءوتىنىش تۇسكەن جاعدايدا ولاردى اتالعان اقپاراتتىق جۇيەگە مالىمەتتەر ەنگىزۋ جولىمەن تىركەۋ مۇمكىندىگى جوق, ويتكەنى اتالعان قىزمەت ءتۇرى تەك تۇرعىن ءۇي قورىنا ەنەتىن وبەكتىلەر تۇرعىندارىن عانا تىركەۋدى جۇزەگە اسىرادى.
ال جوعارىدا اتالعان وبەكتىلەر كاتەگورياسى مەكەنجايلىق رەگيستر مالىمەتتەرىنە سايكەس نە دەنساۋلىق ساقتاۋ مەن دەمالىس وبەكتىلەرىنە, نە ءبىلىم بەرۋ وبەكتىلەرىنە نەمەسە كوممۋنالدىق قىزمەت كورسەتۋ وبەكتىلەرىنە جاتقىزىلىپ, ايتەۋىر تۇرعىن ءۇي قورىنا قاتىسسىز قالعان. بۇل جاڭا سەرۆيس ىسكە قوسىلعاندا ماسەلە تۋدىرىپ وتىرعانىن ايتا كەتكەن ءجون جانە ول الەۋمەتتىك نىسانداردى تىركەۋ ءۇشىن سوڭعى بەس جارىم ايدىڭ ىشىندە كەلىپ جاتقان تۇرعىندارعا قاتىستى بولىپ وتىر.
تۇراتىن جەرى بويىنشا تىركەلۋگە قاتىستى قيىندىق تۋعاندىقتىڭ سالدارىنان وسى كاتەگورياداعى ازاماتتار اسىراۋشىسىنان ايىرىلۋىنا بايلانىستى تولەنەتىن جاردەماقى, مەملەكەتتىك جاردەماقى تاعايىنداۋعا جانە زەينەتاقى تولەمدەرىن الۋعا بايلانىستى كەدەرگىلەرگە ۇشىراپ وتىر. ونىڭ ۇستىنە وسى ساناتتاعىلاردىڭ تۇرىپ جاتقان مەكەنجايعا دەر كەزىندە تىركەلۋىن رەتتەمەگەن باسشىلىققا اكىمشىلىك جاۋاپكەرشىلىك تە قاراستىرىلعان.
ءبىز وسى ماسەلەنى پرەمەر-ءمينيستردىڭ ورىنباسارى اسقار جۇماعاليەۆكە ءبىلدىرىپ, «حالىقتى قۇجاتتاندىرۋ جانە تىركەۋ» اقپاراتتىق جۇيەسىندەگى جىلجىمايتىن م ۇلىك وبەكتىلەرىنىڭ ءتىزىمىن كەڭەيتۋدى سۇرادىق.
ءاليا ساپاروۆا,
ءماجىلىس دەپۋتاتى