ەل قورعانى بولاتىن «شىعىس» وڭىرلىك اسكەري قولباسشىلىعىندا گەنەرال-مايور نۇرلان قاشاعانوۆتىڭ باسشىلىعىمەن ءوز مىندەتتەرىن جاۋاپكەرشىلىكپەن اتقاراتىن ەر-ازاماتتار, قىزدار بەلسەندى ەڭبەك ەتۋدە. بيىلعى وقۋ-جاتتىعۋ جۇمىستارىن جۇرگىزۋگە وراي ەندى قىسقى كەزەڭدەگى اۋىر تەحنيكالار جازعى ماۋسىمعا لايىقتالعان تەحنيكالارمەن اۋىستىرىلماق.
جازعى ماۋسىمعا دايىندىق اسكەري ماماندار اتاپ وتكەندەي ءۇش ساتىلى تۇردە جۇزەگە اسىرىلماق. جەكە قۇرامنىڭ دايىندىعى ساقاداي-ساي بولۋى كەرەك. اسكەري ماشينالاردىڭ جانار-جاعارمايى, ءتىپتى كەرەكتى قۇرال-جابدىقتارى دەر كەزىندە تابىلاتىنداي مەحانيكالىق دايىندىق كەزەڭى دە قامتىلادى. جازدا ءتۇرلى سىناق جۇمىستارى جۇرەتىندىكتەن اسكەري تەحنيكانىڭ ىستىق اۋا-رايىنا توتەپ بەرە الۋى دا دايىندىق ءۇشىن اسا ماڭىزدى سالانىڭ ءبىرى بولىپ تابىلادى. اسكەري تەحنيكالاردىڭ دايىندىعىن كورسەتۋ ماقساتىندا باق وكىلدەرى شاقىرىلىپ, قاجەتتى اقپاراتتار بەرىلدى.
راۋشان نۇعمانبەكوۆا,
سەمەي.