س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە «سەيفۋللين وقۋلارى-14: جاستار, عىلىم, يننوۆاتسيالار: تسيفرلاندىرۋ – جاڭا دامۋ كەزەڭى» اتتى جىل سايىنعى رەسپۋبليكالىق عىلىمي-تەوريالىق كونفەرەنتسيا ءوتتى.
كونفەرەنتسيانىڭ ماقساتى مەملەكەت باسشىسى ن.ءا.نازارباەۆتىڭ 2018 جىلى قازاقستان حالقىنا جولداۋىندا العا قويعان تاپسىرمالاردى ورىنداۋ ءۇشىن مەملەكەتتىك ورگانداردىڭ وكىلدەرى, عالىمدار مەن جاس زەرتتەۋشىلەر اراسىندا حالىق ءومىرىنىڭ ساپاسىن ارتتىرۋ, سونداي-اق جاستار باستامالارىن جۇزەگە اسىرۋ, تاجىريبە الماسۋ جانە جاستار اراسىندا عىلىمدى دارىپتەۋ, ەكونوميكانىڭ ءارتۇرلى سەكتورلارىنا ساندىق تەحنولوگيالاردى ەنگىزۋ تۋرالى ماسەلەلەر توڭىرەگىندە ينتەراكتيۆتى الاڭ قۇرۋ.
ءىس-شاراعا «س.سەيفۋللين اتىنداعى قازاتۋ» اق باسقارما توراعاسى ا.ق.كۇرىشباەۆ, «اتامەكەن» ۇكپ الەۋمەتتىك سالا جانە الەۋمەتتىك سەرىكتەستىك كوميتەتىنىڭ توراعاسى ت.ك.دوسكەنوۆ, «حالىقارالىق باعدارلامالار ورتالىعى» اق پرەزيدەنت كەڭەسشىسى ب.ق.اتىباي, «عىلىم قورى» اق جوبا ديرەكتسياسىنىڭ ديرەكتورى ا.ا.اشكين جانە جەتەكشى ۋنيۆەرسيتەتتەر مەن عىلىمي-زەرتتەۋ ينستيتۋتتارىنىڭ باسشىلارى قاتىستى.
ۋنيۆەرسيتەت رەكتورى ا.ق.كۇرىشباەۆ ءوز سوزىندە قازاتۋ-ءدى اۋىل شارۋاشىلىعىندا حالىقارالىق دەڭگەيدەگى زەرتتەۋ ۋنيۆەرسيتەتى رەتىندە رەفورمالاۋ اگرارلىق سالادا عىلىمدى دامىتۋعا, جاس عالىمدار اراسىنداعى باسەكەلەستىك قابىلەتىن ارتتىرۋعا مۇمكىندىك بەرەتىنىن اتاپ ءوتتى. سونداي-اق, ءبىلىم بەرۋ سالاسىن قارقىندى تۇردە ساندىق جۇيەگە وتكىزۋ جولدارىن بارىنشا جىلدامداتۋ كەرەكتىگىنە توقتالدى. سونىڭ ىشىندە اۋىل شارۋاشىلىعى سالاسىن وڭىرلەرمەن بىرلەسە وتىرىپ تسيفرلاندىرۋدىڭ وڭتايلى تاسىلدەرىنىڭ بار ەكەندىگىن ايتا كەلە وزگەلەردىڭ دە سول جولمەن ءجۇرۋ كەرەكتىگىنە نازار اۋداردى.
«عىلىم قورى» اق جوبا ديرەكتسياسىنىڭ ديرەكتورى ا.ا.اشكين جوبالاردى گرانتتىق قارجىلاندىرۋ جانە عىلىمي, عىلىمي-تەحنيكالىق قىزمەتتى كوممەرتسيالاندىرۋ ناتيجەلەرى تۋرالى, سونداي-اق كونكۋرسقا قاتىسۋ ەرەجەلەرى مەن گرانتتىق قارجىلاندىرۋ جايىندا ايتىپ بەردى.
گاج تەحنولوگيالارى وقۋ ورتالىعىنىڭ مەڭگەرۋشىسى ف.ك.ەرمەكوۆ قر اۋىل شارۋاشىلىعىن تسيفرلاندىرۋ تاقىرىبىندا وزەكتى ماسەلەلەردى كوتەردى. ەلىمىزدىڭ سولتۇستىك ايماقتارىندا ەگىن جيناۋدىڭ عارىشتىق مونيتورينگى جانە تسەلينوگراد وبلىسىنداعى جەرلەردى پايدالانۋ, اقمولا وبلىسىندا 4 ميلليون گەكتاردان استام جەر اۋماعىنا ەلەكتروندى كارتالاردىڭ ازىرلەنىپ جاتقاندىعى تۋرالى ايتتى.
پلەنارلىق ماجىلىستە جاس عالىمدار پايدالى, قىزىقتى اقپارات الىپ, جاس ماماندار ءۇشىن وزەكتى سۇراقتاردى قويا ءبىلدى.
كونفەرەنتسيا جۇمىسى اگرووندىرىستىك كەشەننىڭ تۇراقتى دامۋىنداعى تسيفرلىق تەحنولوگيالاردىڭ ءرولى; قورشاعان ورتانى قورعاۋ جانە تابيعي رەسۋرستاردى پايدالانۋدا اقپاراتتىق تەحنولوگيالاردى قولدانۋ; تاماق ونىمدەرىن ءوندىرۋ, قايتا وڭدەۋ جانە اۋىل شارۋاشىلىعى ونىمدەرىن ساقتاۋ تسيفرلىق تەحنولوگيالارى; اقمولا اۋىلشارۋاشىلىعى ينستيتۋتىنىڭ ءبىرىنشى ديرەكتورى, ت.ع.ك. ت.گ. دۋحوۆتىڭ تۋىلعانىنا 100 جىل تولۋىنا تۋرالانعان «اگروونەركاسىپ كەشەنىندەگى تسيفرلىق تەحنولوگيالاردى تەحنيكالىق قامتاماسىز ەتۋ» سەكتسياسى; ۆەتەرينارياداعى يننوۆاتسيالىق جاڭاشىلدىقتار مەن IT-تەحنولوگيالار; مال شارۋاشىلىعى, بالىق شارۋاشىلىعى جانە اڭ شارۋاشىلىعىنىڭ قازىرگى زاماناۋي اسپەكتىلەرى; بيولوگيا جانە بيوتەحنولوگيانىڭ قازىرگى ماسەلەلەرى جانە وزگە دە عىلىمي باعىتتار بويىنشا سەكتسيالاردا جالعاسىن تاپتى.
كونفەرەنتسيا اياسىندا جاس عالىمدار مەن ستۋدەنتتەر جەتىستىكتەرىنىڭ كورمەسى ۇيىمداستىرىلدى. جاس عالىمدار مەن ستۋدەنتتەر ءوز جوبالارى مەن تەحنولوگيالىق پلاتفورمالاردىڭ ونىمدەرىن, سونداي-اق جابىق سۋمەن جابدىقتاۋ قوندىرعىلارىندا بالىقتى ءوسىرۋ: قوندىرعىنى ورناتۋدان باستاپ العاشقى ءونىمدى الۋ جولىن كورسەتتى. سونداي-اق «ەلەكتروندىق مەديتسينالىق جازبالار», «قتق سۇرىپتاۋ جۇيەسى», «كومەك», «ۆكۋسنياشكا» الەۋمەتتىك جوبالارىنىڭ تۇساۋكەسەرى ءوتتى.
شارا سوڭىندا سەكتسيالىق وتىرىستار قورىتىندىلانىپ, جەڭىمپازدار مەن بەلسەندى قاتىسۋشىلارعا ديپلومدار تابىستالدى. سونىمەن قاتار كونفەرەنتسيا قارارى قابىلداندى.