الماتى وبلىسىندا تاۋ جىنىستارىنىڭ قوزعالۋى بولدى.
الماتى وبلىسىندا ءىىم تجك-نىڭ «قازسەلدەنقورعاۋ» مم گيدروبەكەتىنىڭ بايقاۋشىلارى كوشكىن قاۋپى بار ۋچاسكەلەردى تەكسەرۋ بارىسىندا تاۋ جىنىستارىنىڭ قوزعالعانىن انىقتادى. . تاۋ جىنىستارىنىڭ جىلجۋى كولساي كولى جاعىنداعى باعىتتا بايقالدى. وسى ورايدا كەزەكشىلىك ۇيىمداستىرىلىپ, ماماندار تارتىلدى. قۇرىلىستاردىڭ بۇزىلۋى وقيعالارى مەن زارداپ شەككەندەر تىركەلگەن جوق.
«2018 جىلدىڭ 19 ساۋىرىندە الماتى وبلىسىندا قر ءىىم تجك-نىڭ «قازسەلدەنقورعاۋ» مم گيدروبەكەتىنىڭ باقىلاۋشىلارى كوشكىن قاۋپى بار ۋچاسكەلەردى تەكسەرۋ بارىسىندا كەگەن اۋدانى اۋماعىندا تاۋ جىنىستارىنىڭ ورنىنان كوشكەنىن انىقتادى. بۇرىن بايقالعان كوشكىن وشاعىنىڭ قايتا قوزعالۋىنا جاۋىن-شاشىن مەن سەيسميكالىق جاعداي اسەر ەتتى», - دەپ اتاپ ءوتتى ء ىىم توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.
تاۋ جىنىستارى ساتى اۋىلى مەن كولساي كولى جولىنىڭ 400 مەتر ارالىعىن, سونداي-اق 4 ەلەكتر باعانىن باسىپ قالعان. كولساي كولدەرىندەگى دەمالىس ايماعى ەلەكتر قۋاتىنسىز قالدى. سونىمەن قاتار ماۋسىمدىق مەرزىمدە پايدالاناتىن شاعىن ءۇي نىسانى قاۋىپسىز جەرگە كوشىرىلدى. «باقىلاۋ شارالارى جالعاسۋدا. كەزەكشىلىك ۇيىمداستىرىلىپ, جەدەل شتاب قۇرىلدى, سونداي-اق تومەنگى كولساي كولىنە قاراي قوزعالىسقا شەكتەۋ ەنگىزىلدى», - دەدى ر.يمانقۇلوۆ.
كەزەكشىلىك جاساقتالىپ, ارنايى شتاب قۇرىلدى. تومەنگى كولگە قاراي جولدار جابىلدى. وقيعا ورنىندا الماتى وبلىستىق تجد باسشىسى, الماتى وبلىستىق تجد جەدەل ارەكەت ەتۋ توبى, جەرگىلىكتى اتقارۋشى ورگاندار, ءاىىب قىزمەتكەرلەرى, پروكۋراتۋرا, "قازسەلدەنقورعاۋ" مب, "كولساي كولدەرى" ۇلتتىق پاركىنىڭ قىزمەتكەرلەرى بار. قازا تاپقاندار مەن زارداپ شەككەندەر جوق.
قالماحانبەت مۇقامەتقالي,
«ەگەمەن قازاقستان»