«Kazakhmys Holding (قازاقمىس حولدينگ)» جشس جەزقازعان مىس بالقىتۋ زاۋىتىنىڭ وندىرىستىك قۋاتىن 100 پايىز قالپىنا كەلتىرەدى. بۇل تۋرالى بۇگىن قازاقستان ءباسپاسوز كلۋبى حابار تاراتتى.
ەلباسىنىڭ 2017 جىلعى جولداۋىندا قازاقستاننىڭ ءۇشىنشى جاڭعىرۋىن ىسكە اسىرۋ ءۇشىن العاشقى باسىمدىق رەتىندە ەل ەكونوميكاسىن جەدەل تەحنولوگيالىق جاڭعىرتۋ تاڭداپ الىندى. اتالعان باسىمدىقتا ءداستۇرلى بازالىق سالانىڭ دامۋىنا سەرپىن بەرۋ ەكىنشى كەشەندى مىندەت رەتىندە بەلگىلەنگەن. جوعارىدا اتالعان تاۋ-كەن مەتاللۋرگيا سالاسىن دامىتۋدىڭ كەشەندى مىندەتتەرىنىڭ ءۇشىنشى تارماعىن جۇزەگە اسىرۋ ماقساتىندا «Kazakhmys Holding (قازاقمىس حولدينگ)» جشس-نىڭ «Kazakhmys Smelting (قازاقمىس سمەلتينگ)» جشس جەزقازعان مىس بالقىتۋ زاۆودىنىڭ 2 كەن قىزدىرۋ پەشىنىڭ (كقپ) جۇمىسىن جاڭا كۇكىرت قىشقىلى تسەحىن سالۋ ارقىلى 100% قۋاتقا جەتكىزۋ تۋرالى شەشىم قابىلداندى. بۇل شەشىم «Kazakhmys Holding (قازاقمىس حولدينگ)» جشس ستراتەگيالىق دامۋ باعدارلاماسى اياسىندا, كەنىشتەر مەن فابريكالاردىڭ الەۋەتىن ەسكەرە وتىرىپ قابىلداندى.
2009 جىلى قولجەتىمدى شيكىزات كولەمىنىڭ ازايۋىنا بايلانىستى زاۆود ءبىر كەن قىزدىرۋ پەشىنىڭ (كقپ) جۇمىس رەجيمىنە كوشىپ, ال ەكىنشى بالقىتۋ اگرەگاتى جۇمىسىن توقتاتقان بولاتىن. مىس قۇرامدى شيكىزات كولەمىنىڭ ۇلعايۋىن نازارعا الا وتىرىپ جانە بولاشاقتا اقتوعاي جانە بوزشاكول بايىتۋ فابريكالارىنىڭ ىسكە قوسىلاتىنىن ەسكەرە كەلە, ەكىنشى كەن قىزدىرۋ پەشىن (كقپ) ىسكە قوسۋ تۋرالى شەشىم قابىلداندى. اتالمىش شەشىم «Kazakhmys Holding (قازاقمىس حولدينگ)» جشس-نىڭ الەمدىك مىس ءوندىرۋ نارىعىنداعى باسەكەلەستىك قابىلەتىن ارتتىرۋعا مۇمكىندىك بەرەدى.
ەكىنشى كەن قىزدىرۋ پەشىن ىسكە قوسۋدان بولەك, جالپى ەكولوگيالىق احۋالدى جاقسارتۋ ماقساتىندا, ايماقتا جاڭا كۇكىرت قىشقىلى تسەحىن سالۋ جوسپارلانعان. ءتورتىنشى وندىرىستىك رەۆوليۋتسيانى جۇزەگە اسىرۋ اياسىندا جاڭا ەنەرگيا ۇنەمدەۋشى تەحنولوگيالار ەنگىزىلەدى جانە قول ەڭبەگىن ازايتۋ ءۇشىن اۆتوماتتاندىرۋ دەڭگەيى ارتاتىن بولادى.
«جەزقازعان مىس بالقىتۋ زاۆودىن تولىق قۋاتىندا ىسكە قوسۋ جانە كۇكىرت قىشقىلى تسەحىن سالۋ, باسەكەگە قابىلەتتىلىكتى ارتتىرۋدان بولەك, جەزقازعان ايماعى ءۇشىن ۇلكەن الەۋمەتتىك ماڭىزعا يە. تۇراقتى جۇمىسپەن 600-دەي ادام قامتاماسىز ەتىلەتىن بولادى. مەملەكەتتىك بيۋدجەتكە تۇسەتىن تۇسىمدەر جۇزدەگەن ميلليون تەڭگەگە وسەدى» – دەيدى «Kazakhmys Smelting (قازاقمىس سمەلتينگ)» جشس باس ديرەكتورى ادىلەت بارمەنقۇلوۆ.
ايناش ەسالي,
«ەگەمەن قازاقستان».
الماتى