بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆتىڭ قاتىسۋىمەن ەكونوميكا جونىندەگى ساراپتاما كەڭەسىنىڭ كەزەكتى وتىرىسى ءوتتى, دەپ حابارلايدى primeminister.kz.
وتىرىس بارىسىندا ءۇشىنشى جاڭعىرۋ (جاڭعىرتۋ 3.0) تۇرعىسىنان ۇلتتىق ەكونوميكانى دامىتۋ ماسەلەلەرى جانە الەمنىڭ 30 وزىق دامىعان ەلىنىڭ قاتارىنا قوسىلۋ جونىندەگى جالپىۇلتتىق مىندەتتەر تالقىلاندى.
ساراپتاما كەڭەسىندە ەكونوميكالىق ساياسات سالاسىنداعى تالداۋ ورتالىعىنىڭ ساراپشىسى ق. سادۋاقاسوۆ, «قازاقستاننىڭ حالىق بانكى» اق باسقارما ءتورايىمى ءۇ. شاياحمەتوۆا, «سەنترانس» اق ديرەكتورلار كەڭەسىنىڭ توراعاسى ە. ابدىرازاقوۆ, «قازاق مۇناي جانە گاز ينستيتۋتى» اق باس ديرەكتورىنىڭ كەڭەسشىسى ج. كۇلەكەەۆ, «استانا» حالىقارالىق عىلىمي كەشەنى» ورتالىعىنىڭ باسشىسى ا. بورانباەۆ, «اتامەكەن» ۇكپ باسقارما توراعاسى ا. مىرزاحمەتوۆ, «راكۋرس» ەكونوميكالىق تالداۋ ورتالىعى» قوعامدىق قورىنىڭ ديرەكتورى و. جاندوسوۆ, «Oil Gas Project» جشس ديرەكتورى ج. احمەتوۆ, «قوعامدىق ماسەلەلەرگە تالداۋ جاساۋ ورتالىعى» قوعامدىق قورىنىڭ ديرەكتورى م. ماحمۇتوۆا, قر پرەمەر-ءمينيسترىنىڭ ورىنباسارى ە. دوساەۆ, ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا جانە ت.ب. ءسوز سويلەدى.