وبلىس ورتالىعىنىڭ تۇرعىندارى ارنايى QR كودتاردىڭ كومەگىمەن تاڭدالعان كىتاپتىڭ ەلەكتروندىق نۇسقاسىن تەگىن جۇكتەي الادى.
قالاداعى «ترامۆاي باسقارماسى» اق قولداۋىمەن ترامۆايلاردا س.تورايعىروۆ اتىنداعى وبلىستىق كىتاپحانانىڭ «QR-كىتاپحاناسى» ءموبيلدى قوسىمشاسى تانىستىرىلۋدا.
ماقسات – جەرگىلىكتى اقىن-جازۋشىلاردىڭ, تاريحشىلار مەن ولكەتانۋشىلاردىڭ تۋىندىلارىن تانىستىراتىن ەلەكتروندى رەسۋرس قۇرۋ. QR-كىتاپحانادان ءوڭىر تاريحى, ەكولوگياسى, الەۋمەتتىك-ەكونوميكالىق جاعدايى تۋرالى الۋعا بولادى. كىتاپحانا قىزمەتىندە دە تسيفرلاندىرۋ جۇيەسى جۇرگىزىلىپ, سيرەك, قۇندى تۋىندىلار كوشىرىلۋدە.
كىتاپحانانىڭ مالىمەتىنشە, قالاداعى 16 ترامۆايدا جەكە QR-كودتارى بار قازىرگى زامان جازۋشىلارى, قازاق ادەبيەتىنىڭ كلاسسيكتەرى, اقىن-جازۋشىلاردىڭ كىتاپتارى بەرىلگەن پلاكاتتار ورنالاستىرىلعان. قۇرىلعى جاڭا جانە جىلدام جاڭارتىلىپ وتىرادى. ءارتۇرلى جاستاعى وقىرماندار دا كىتاپحانا قىزمەتتەرىن پايدالانا الادى.
ترامۆاي جولاۋشىلارى ءموبيلدى قوسىمشانىڭ كومەگىمەن ۇناعان كىتاپتى ەلەكتروندى نۇسقادا جۇكتەي الادى. بۇل ءۇشىن QR Code Reader نەمەسە ينتەرنەت–سايتتاردىڭ باسقا دا تەگىن قوسىمشالارىن پايدالانىپ, تاڭدالعان كىتاپتاعى QR-كودتى سكانەرلەۋ قاجەت.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: مارال تاجەنوۆا