2018 جىلعى 13 ساۋىردە قر ينۆەستيتسيالار جانە دامۋ ۆيتسە-ءمينيسترى ارىستان قابىكەنوۆ قازاقستانداعى گفر ەلشىسى رولف مافاەلمەن كەزدەستى, دەپ حابارلايدى primeminister.kz.
كەزدەسۋ بارىسىندا ساۋدا جانە ينۆەستيتسيالار سالاسىنداعى ىنتىماقتاستىقتى ودان ءارى دامىتۋ ماسەلەلەرى تالقىلاندى.
ۆيتسە-مينيستر ا. قابىكەنوۆ گەرمانيا قازاقستاننىڭ ستراتەگيالىق ارىپتەستەرىنىڭ جانە ءىرى ينۆەستورلارىنىڭ ءبىرى ەكەنىن ايتتى. ول سونداي-اق ەكى ەل اراسىنداعى تاۋار اينالىمنىڭ وڭ قارقىنىن اتاپ ءوتىپ, ساۋدا-ەكونوميكالىق بايلانىستاردى ودان ءارى نىعايتۋعا, ءوزارا مۇددەلى سالالاردا ەكى جاقتى ىنتىماقتاستىقتى كەڭەيتۋگە نيەت ءبىلدىردى.
ءوز كەزەگىندە ەلشى ر. مافاەل قازاقستاندا ينۆەستيتسيالىق احۋالدىڭ جاقسارعانىن جانە گەرماندىق بيزنەس قاۋىمداستىق قازاقستان ەكونوميكاسىنا ينۆەستيتسيا سالۋدى ءارى قاراي جالعاستىراتىنىن ايتتى.
سونىمەن قاتار, كەزدەسۋ اياسىندا تاراپتار بيىلعى جىلى قازاقستان جانە گەرمانيا جەرلەرىندە جوسپارلانعان ءىرى ءىس-شارالاردى تالقىلادى, جانە ساۋدا-ەكونوميكالىق ىنتىماقتاستىق بويىنشا ۇكىمەتارالىق جۇمىس توبىنىڭ 12-وتىرىسىن جانە بيزنەس-فورۋمدى وتكىزۋگە كەلىستى.
كەزدەسۋ سوڭىندا تاراپتار وربىگەن سۇحبات ءۇشىن العىس ءبىلدىرىپ, قازاقستان مەن گەرمانيا اراسىنداعى قارىم-قاتىناستى ودان ءارى دامىتۋعا مۇددە تانىتاتىنىن ايتتى.