2018 جىلعى 31 ناۋرىز بەن 7 ءساۋىر ارالىعىندا كازگيۋ ۋنيۆەرسيتەتىنىڭ كومانداسى Philip C. Jessup International Law Moot Court Competition اتتى حالىقارالىق قۇقىق سالاسىنداعى فيليپپ دجەسسوپ اتىنداعى حالىراقالىق سوت پروتسەستەرىنىڭ قازاقستاندىق ۇلتتىق جانە حالىقارالىق راۋندتارىنا قاتىستى. بۇل تۋرالى ۋنيۆەرسيتەت سايتىندا حابارلاندى.
ف. دجەسسوپ اتىنداعى حالىقارالىق سوت پروتسەستەرى اقش-تىڭ ۆاشينگتون قالاسىندا White & Case حالىقارالىق زاڭ فيرماسىنىڭ قولداۋىمەن International Law Student Association – ILSA اعىلشىن تىلىندە وتكىزەتىن حالىقارالىق قۇقىق سالاسىنداعى ەڭ بەدەلدى جانە تانىمال جارىس.
بيىل جارىس الەمنىڭ توقسان بەس ەلىنىڭ نامىسىن قورعاۋعا كەلگەن 645 ۋنيۆەرسيتەت كومانداسىنىڭ قاتىسۋىمەن ەلۋ توعىزىنشى رەت وتكەن. قازاق گۋمانيتارلىق-زاڭ ۋنيۆەرسيتەتىنىڭ كومانداسى كيمەپ ۋنيۆەرسيتەتىنە قارسى ەكى راۋند قورىتىندىسى بويىنشا ۇلتتىق كەزەڭنىڭ جەڭىمپازى اتانىپ, قازاقستاننىڭ اتىنان شىعاتىن بولدى. حالىقارالىق راۋندتاردا ۋنيۆەرسيتەت كومانداسى University of Toronto (كانادا), Case Western Reserve University (اقش), BRAC University (بانگلادەش) جانە Hena e Plote (BEDER) University (البانيا) سەكىلدى بەدەلدى وقۋ مەكەمەلەرىنىڭ كوماندالارىمەن باسەكەلەستىككە ءتۇستى. ناتيجەسىندە ۋنيۆەرسيتەتى كومانداسى جالپى 3050 ۇپاي جيناپ, 49-ورىنعا يە بولدى.
بايقاۋ رەيتينگىندە ۋنيۆەرسيتەت كومانداسى University of California – Berkeley (اقش, 60-ورىن), Universität Wien (اۋستريا, 53-ورىن), University of Ottawa Faculty of Law – Common Law Section (كانادا, 57-ورىن), Fordham University (اقش, 62-ورىن), Case Western Reserve University (اقش, 64-ورىن) جانە كوپتەگەن باسقا دا تانىمال جوعارى وقۋ ورىندارىنان وزىپ شىقتى. وعان قوسا, كوماندانىڭ مەموراندۋمدارى 26-ورىندى يەلەنىپ, الەمنىڭ ەڭ ۇزدىك مەموراندۋمدارىنىڭ ەلۋلىگىنە كىردى, ال سپيكەرلەر زارينا تەمىربولاتوۆا مەن مادينا ارتۋروۆا بايقاۋدىڭ ەڭ ۇزدىك ءجۇز سپيكەرلەرىنىڭ قاتارىنا ەندى.
كوماندانىڭ جەڭىسكە جەتۋىنە ءوز ۇلەسىن ايىم سابىروۆا, الەكساندرا پلاتوشينا جانە اديل وسيپوۆ سەكىلدى ستۋدەنتتەر مەن ماگيسترانتتار قوستى. بۇل جارىسقا كوماندا ۋنيۆەرسيتەتتىڭ باسقارما توراعاسىنىڭ ورىنباسارى جانە حالىقارالىق قۇقىق كافەدراسىنىڭ دوتسەنتى ميراس داۋلەنوۆتىڭ, سونداي-اق ءدال سول كافەدرانىڭ اعا وقىتۋشىلارى ايمان سماگۋلوۆا مەن البەرتو پەكورارونىڭ باسشىلىعىمەن دايىندالدى.