پرەمەر-مينيستر اتىراۋ وبلىسىنىڭ اكتيۆىمەن جانە كاسىپكەرلەرىمەن ءوڭىردى دامىتۋدىڭ وزەكتى ماسەلەلەرىن تالقىلادى, دەپ حابارلايدى primeminister.kz.
كەزدەسۋدە قازاقستاننىڭ ءۇشىنشى جاڭعىرۋىن ىسكە اسىرۋ بارىسى مەن وبلىستىڭ ەكونوميكالىق ءوسىمنىڭ جاڭا مودەلىن قالىپتاستىرۋداعى ءرولى تالقىلاندى. جيىن بارىسىندا وبلىس اكىمى ن. نوعاەۆتىڭ جوبالىق باسقارۋ اياسىندا ءوڭىردىڭ الەۋمەتتىك-ەكونوميكالىق دامۋىنىڭ ماقساتتى كورسەتكىشتەرىنە قول جەتكىزۋ تۋرالى ەسەبى تىڭدالدى. سونداي-اق, وتىن-ەنەرگەتيكا جانە اگروونەركاسىپ كەشەندەرىن دامىتۋدىڭ, ءبىلىم بەرۋ مەن دەنساۋلىق ساقتاۋدى جاڭعىرتۋدىڭ, تەحنولوگيالىق جاڭعىرتۋ مەن «يندۋستريا 4.0» شارالارىن جۇرگىزۋدىڭ, ينۆەستيتسيالار تارتۋ مەن وندىرىستىك جۇمىسپەن قامتۋدىڭ نەگىزگى باعىتتارى قارالدى.
سونىمەن قاتار, ينۆەستيتسيالار جانە دامۋ ءمينيسترى ج. قاسىمبەك, ەنەرگەتيكا ءمينيسترى ق. بوزىمباەۆ, ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا, ءبىلىم جانە عىلىم ءمينيسترى ە. ساعاديەۆ تۇسىنىكتەمە بەرىپ ءوتتى. «اتامەكەن» ۇكپ باسقارما توراعاسى ا. مىرزاحمەتوۆ بيزنەستى دامىتۋدىڭ وزەكتى ماسەلەلەرى تۋرالى باياندادى.
بەينە-كونفەرەنتس بايلانىس جۇيەسى ارقىلى تالقىلانعان ماسەلەلەرگە پرەمەر-ءمينيستردىڭ ورىنباسارى ە. دوساەۆ, دەنساۋلىق ساقتاۋ ءمينيسترى ە. ءبىرتانوۆ, قارجى ءمينيسترى ب. سۇلتانوۆ, ۇلتتىق ەكونوميكا ءمينيسترى ت. سۇلەيمەنوۆ, اۋىل شارۋاشىلىعى ۆيتسە-ءمينيسترى گ. يساەۆا, اقپارات جانە كوممۋنيكاتسيالار ۆيتسە-ءمينيسترى د. تۇياقوۆ, مادەنيەت جانە سپورت ۆيتسە-ءمينيسترى ە. قوجاعاپانوۆ پىكىر ءبىلدىردى. سپيكەرلەر ءوز سوزدەرىندە وڭىردىڭ ەكونوميكالىق ءوسىمىنىڭ قورىن, اكىمدىك پەن ۇكىمەتتىڭ بىرلەسىپ اتقاراتىن جۇمىسىنىڭ باسىمدىقتى باعىتتارى مەن مىندەتتەرىن بەلگىلەدى.
ماسەلەنى تالقىلاۋ قورىتىندىسى بويىنشا باقىتجان ساعىنتاەۆ ينۆەستيتسيالاردى تارتۋ, سەرۆيستىك ەكونوميكانى, ەكونوميكانىڭ جاڭا سالالارىن دامىتۋ جۇمىستارىن جۇرگىزۋدىڭ ماڭىزدىلىعىن اتاپ ءوتتى, سونداي-اق ۇكىمەت پەن اكىمدىكتەردىڭ جاڭا تەحنولوگيالىق رەۆوليۋتسياعا دايىن بولۋىنىڭ ماڭىزدىلىعىن اتاپ ءوتتى.
ەسكە سالا كەتەيىك, بۇگىن قر پرەمەر-ءمينيسترى مەملەكەت باسشىسىنىڭ تاپسىرماسى بويىنشا جۇمىس ساپارىمەن اتىراۋ وبلىسىنا كەلدى. بۇعان دەيىن باقىتجان ساعىنتاەۆ جۇمىس ساپارلارىمەن وڭتۇستىك قازاقستان جانە قىزىلوردا وبلىستارىندا بولىپ قايتتى.