بۇگىن اتىراۋ وبلىسىنا جۇمىس ساپارى بارىسىندا قر پرەمەر-ءمينيسترى باقىتجان ساعىنتاەۆ د. نۇرپەيىسوۆا اتىنداعى اتىراۋ مۋزىكالىق كوللەدجىن ارالاعاننان كەيىن, جوعارى وقۋ ورىندارى مەن كوللەدجدەردىڭ ستۋدەنتتەرىمەن, ستۋدەنتتىك ۇيىمداردىڭ ۇزدىكتەرىمەن, ءوڭىردىڭ جوعارى جانە ورتا ارنايى ءبىلىم بەرۋ مەكەمەلەرىنىڭ باسشىلارىمەن كەزدەسۋ وتكىزدى, دەپ حابارلايدى primeminister.kz.
كەزدەسۋ بارىسىندا الەۋمەتتىك جانە جاستار ساياساتىنىڭ وزەكتى ماسەلەلەرى تالقىلاندى. باقىتجان ساعىنتاەۆ بولاشاق ماماندىقتار بويىنشا مامانداردى دايارلاۋ جانە قايتا دايارلاۋ, تەحنيكالىق ماماندىقتارعا بولىنەتىن گرانتتاردى كوبەيتۋ, ەڭبەك نارىعىنداعى وزگەرىستەردى جانە تسيفرلاندىرۋ مەن اۆتوماتتاندىرۋ جاڭالىقتارىن ەسكەرە وتىرىپ, قاجەتتى داعدىلاردى ۇيرەتۋ تۋرالى ءسوز قوزعادى. سونداي-اق, جاتاقحانالارمەن قامتاماسىز ەتۋ ماسەلەسى دە كوتەرىلدى.
پرەمەر-مينيستر باقىتجان ساعىنتاەۆ ۇكىمەت پرەزيدەنتتىڭ بەس الەۋمەتتىك باستاماسىن ىسكە اسىرۋ اياسىندا جول كارتاسىن قابىلداعانىن اتاپ ءوتتى. جول كارتاسى ستۋدەنت جاستاردى جاتاقحانامەن قامتاماسىز ەتۋ, بۇگىنگى تاڭدا سۇرانىسقا يە تەحنيكالىق باعىتتاعى مامانداردى دايىنداۋ ماسەلەلەرىن شەشۋگە مۇمكىندىك بەرەدى. جول كارتاسىن ورىنداۋ 2018 جىلدىڭ ەكىنشى جارتىسىندا العاشقى ناتيجەلەرىن بەرە باستايدى.
باقىتجان ساعىنتاەۆ ءتورتىنشى ونەركاسىپتىك رەۆوليۋتسيا ماسەلەلەرىن شەشۋ ءۇشىن مامانداردى دايارلاۋدىڭ ماڭىزدىلىعىن ايتىپ ءوتتى. وسىعان بايلانىستى قازاقستاندا 20 كوللەدج ىرىكتەلىپ الىنادى, ولاردىڭ ەكەۋى بۇگىندە جۇمىسقا كىرىسىپ تە كەتتى. سونىمەن قاتار ينجەنەرلىك كادرلاردى, ونىڭ ىشىندە اقپاراتتىق جانە تسيفرلىق تەحنولوگيالار سالاسىنداعى مامانداردى دايارلاۋعا ەرەكشە باسىمدىق بەرىلەدى.
بۇعان قوسا, وقۋ مەزگىلىندە ستۋدەنتتەردى ءۇي-جايمەن قامتاماسىز ەتۋ ماسەلەلەرىن شەشۋ ءۇشىن مەملەكەت باسشىسى 2022 جىلعا دەيىن كەم دەگەندە 75 مىڭ ورىنعا ارناپ جاتاقحانالار سالۋدى تاپسىردى. كەزدەسۋ الدىندا پرەمەر-مينيستر جاتاقحانالاردىڭ ءبىرىنىڭ قۇرىلىس بارىسىمەن تانىستى.
تالقىلاۋ بارىسىندا ءبىلىم جانە عىلىم ءمينيسترى ە. ساعاديەۆ ءبىلىم الۋدىڭ قولجەتىمدىلىگىن ارتتىرۋ جانە جاتاقحانالارمەن قامتاماسىز ەتۋ بويىنشا اتقارىلىپ جاتقان جۇمىستار تۋرالى باياندادى. ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا ەڭبەك نارىعىنىڭ ينفراقۇرىلىمىن جاڭعىرتۋ جانە تەحنيكالىق ماماندىقتارعا مامانداردى دايارلاۋ تۋرالى ايتىپ بەردى. اتىراۋ وبلىسىنىڭ اكىمى ن. نوعاەۆ مەملەكەت باسشىسىنىڭ بەس باستاماسىن ورىنداۋ ماقساتىندا وڭىردە جۇرگىزىلىپ جاتقان جۇمىستار تۋرالى باياندادى.
كەزدەسۋدە اگرارلىق ۋنيۆەرسيتەت ستۋدەنتى ب. جۇماباي, اتىراۋ مۇناي جانە گاز ۋنيۆەرسيتەتىنىڭ ءۇشىنشى كۋرس ستۋدەنتى س. بازاربەك, اتىراۋ پوليتەحنيكالىق كوللەدجىنىڭ ستۋدەنتى ب. سەرىكقاليەۆ جاڭا تەحنولوگيالىق ءوندىرىس ورىندارىندا جۇمىس ىستەۋگە ازىرلىك تۋرالى ايتىپ, «سەرپىن» جوباسى اياسىندا تۇرعىن ۇيمەن قامتاماسىز ەتۋ, جۇمىسقا ورنالاسۋ, جاڭا ەكونوميكاعا ارنالعان مامانداردى دايىنداۋ بويىنشا Worldskills International قوزعالىسى ماسەلەلەرىن قوزعادى.
كوللەدجدە الەۋمەتتىك باستامالاردى ىسكە اسىرۋ تۋرالى اتىراۋ پوليتەحنيكالىق كوللەدجىنىڭ ديرەكتورى ب. شەركەشباەۆا باياندادى.
باقىتجان ساعىنتاەۆ ماسەلەلەردى تالقىلاۋ قورىتىندىسى بويىنشا جاۋاپتى مينيسترلىكتەر مەن ءوڭىر اكىمدىگىنە ناقتى تاپسىرمالار بەردى.