سوڭعى ەكى جىلدا وسكەمەندەگى وبلىستىق انا مەن بالا ورتالىعىنىڭ ەكى گينەكولوگ دارىگەرى كورەيا مەن فرانتسيا ەلدەرىنە بارىپ, بىلىكتىلىكتەرىن شىڭداپ قايتتى.
ورتالىقتىڭ دارىگەر نەوناتولوگى لوندونداعى الەمدەگى بەس وزىق بالالار كلينيكانىڭ بىرىندە تاجىريبە جيناقتاپتى. بيىل مۇنداعى دارىگەرلەر قاتارى اسا ءزارۋ 10 مامانمەن - اكۋشەر-گينەكولوگتارمەن, پەدياتر-نەوناتولوگتارمەن تولىقپاق. 2018 جىلى وقۋ ورنىن ءبىتىرىپ, «انا مەن بالا ورتالىعىنا» جۇمىسقا تۇرعان جاس دارىگەرلەردىڭ ءبارىنىڭ كوتەرمە اقشاسىن تولەۋگە «قازتسينك» كومپانياسى قاراجات بولمەك. «كومپانيا ورتالىقتىڭ بۇگىنگى زامان تالابىنا ساي بولۋىنا ۇلكەن كومەگىن كورسەتىپ وتىر. كاسىپورىننىڭ قارجىلاي قولداۋى ناتيجەسىندە ءبىزدىڭ دارىگەرلەر شەتەلدە وقىپ, وزىق تەحنولوگيانى, تاجىريبەنى مەڭگەرىپ كەلىپ جاتىر. ورتالىق انالاردىڭ, سابيلەردىڭ دەنساۋلىعىن ساقتاپ, جاقسارتۋعا سەپتىگىن تيگىزگەن زاماناۋي قۇرال-جابدىق, تەحنيكالارمەن جابدىقتالدى», - دەيدى انا مەن بالا ورتالىعىنىڭ ديرەكتورى ەرمەك وماربەكوۆ.
«قازتسينك» جشس-ءنىڭ اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆتىڭ ايتۋىنشا, كومپانيا قارجىسىنا ساتىپ الىنعان قۇرال-جابدىقتار ورتالىقتىڭ بارلىق بولىمشەلەرىندە جۇمىس ىستەپ تۇر.
«ورتالىقتاعى كوز جانارىن قورعاۋ كابينەتى جابدىقتارىنىڭ باسىم بولىگى «قازتسينك» جشس قاراجاتىنا الىنعان. مەملەكەتتىك - جەكەمەنشىك سەرىكتەستىك نەگىزىندە كومپانيا قولداۋىنا سۇيەنە وتىرىپ, ورتالىق دارىگەرلەرى دياگنوستيكالىق تالداۋلار جاساۋدىڭ, وتانىڭ جاڭا تۇرلەرىن مەڭگەرىپ جاتىر. بۇگىندە ورتالىقتا لاپاروسكوپيالىق حيرۋرگيا تاسىلدەرى قولدانىلۋدا. تاياۋدا نەيروحيرۋرگتەرگە ەۋروپالىق كلينيكالار عانا ماقتانىپ كەلگەن نەيروناۆيگاتورلار كومەككە كەلمەك. سونداي-اق ورتالىققا سال اۋرۋىنا شالدىققان بالالارعا ارنالعان روبوتتىق جاتتىعۋ قۇرالدارى ساتىپ الىنباق. بالالارعا قانداي قامقورلىق جاساساق تا ەشقاشان ارتىقبولمايدى. بۇل - ءبىزدىڭ الەۋمەتتىك جۇمىسىمىزدىڭ باسىم باعىتتارىنىڭ ءبىرى», - دەيدى ول.
ازامات قاسىم,
«ەگەمەن قازاقستان»
وسكەمەن