ۇكىمەت باسشىسى اتىراۋ وبلىسىندا ستۋدەنتتەر جاتاقحانالارىن سالۋ جوسپارلارىمەن تانىستى

وبلىس اكىمىنىڭ ورىنباسارى ن. سايلاۋوۆانىڭ ايتۋىنشا, وڭىردە العا قويىلعان مىندەتتەر بەلسەندى تۇردە ىسكە اسىرىلىپ جاتىر. باقىتجان ساعىنتاەۆقا قۇرىلىس نىسانى — 100 ورىنعا ارنالعان جاتاقحانا تانىستىرىلدى, ول بيىل شىلدە ايىندا پايدالانۋعا بەرىلەدى.

جالپى, اتىراۋ وبلىسىندا 25 كوللەدج جانە 3 جوو بار. ءبىلىم الۋشىلار سانى — 29,6 مىڭ ادام, جاتاقحانالارعا جالپى قاجەتتىلىك كولەمى —2300 ورىن.

ايتا كەتۋ كەرەك, كوللەدجدەرگە 960 ورىنعا ارنالعان 8 جاتاقحانا سالۋ بويىنشا جوبالار جوبالاۋ ساتىسىندا تۇر. قازىرگى تاڭدا 200 ورىنعا ارنالعان ەكى جاتاقحانا قۇرىلىسى باستالدى جانە تاعى 250 ورىنعا ارنالعان ەكى جاتاقحانا كونكۋرستىق راسىمدەردى قورىتىندىلاۋ ساتىسىندا تۇر. قۇرىلىستى اياقتاۋ مەرزىمى 2019 جىلعا جوسپارلانعان.

وبلىس جوو-لارىنا قاجەتتى جاتاقحانا ورنى — 850 ورىندى قۇرايدى. 560 ورىن بويىنشا جوبالىق-سمەتالىق قۇجاتتامانى ازىرلەۋدى اياقتاۋ بيىلعى جىلدىڭ ەكىنشى جارتىسىنا, ال 200 ورىن بويىنشا — 2019 جىلعا جوسپارلانىپ وتىر. مەملەكەتتىك-جەكەشەلىك ارىپتەستىك تەتىگى اياسىندا بۇگىنگى قاجەتتىلىكتەردى قاناعاتتاندىرۋ بويىنشا جۇمىستار جۇرگىزىلۋدە.

ەستەرىڭىزگە سالا كەتەيىك, پرەزيدەنتتىڭ بەس الەۋمەتتىك باستاماسىنىڭ ءۇشىنشى باعىتىندا ستۋدەنتتەردىڭ ءبىلىم الۋ جانە جاتاقحانادا تۇرۋ جاعدايلارىنا ەرەكشە نازار اۋدارىلعان. 2022 جىلدىڭ سوڭىنا دەيىن كەم دەگەندە 75 مىڭ ورىنعا ارنالعان ستۋدەنتتەردىڭ جاڭا جاتاقحانالارىنىڭ قۇرىلىسىن قامتاماسىز ەتۋ قاجەت.

بەس الەۋمەتتىك باستامانى ىسكە اسىرۋدىڭ جول كارتاسى اياسىندا جاتاقحانالار قۇرىلىسى 2018 جىلدىڭ قىركۇيەك ايىندا باستالادى. 2022 جىلعا دەيىن ەلىمىزدە جالپى 160-200 جاتاقحانا سالۋ جوسپارلانىپ وتىر.

2019 جىلدان باستاپ رەسپۋبليكالىق بيۋدجەتتە قۇرىلىس سالۋشىلاردىڭ ينۆەستيتسيالىق جانە پايدالانۋ شىعىندارىن وتەۋگە قاراجات قاراستىرىلاتىن بولادى. مەملەكەت تاراپىنان ءبىر توسەك ورنىنا 82 اەك تۇرىندە (شامامەن 197 مىڭ تەڭگە) قاراجات بولىنەدى.

سونداي-اق, ۇكىمەت زاڭنامالىق وزگەرىستەر ەنگىزۋدى ۇسىندى: كەلەسى نورماتيۆتىك قۇقىقتىق اكتىلەرگە وزگەرىستەر مەن تولىقتىرۋلار ەنگىزىلەتىن زاڭ جوباسى ازىرلەندى: بيۋدجەت كودەكسى, كاسىپكەرلىك كودەكسى, ء«بىلىم تۋرالى», «مەملەكەتتىك م ۇلىك تۋرالى», «مەملەكەتتىك ساتىپ الۋلار تۋرالى», «وڭالتۋ جانە بانكروتتىق تۋرالى» زاڭدار جانە ت.ب.