كورمەنىڭ ۇيىمداستىرىلۋى سۋرەتشىنىڭ 50 جاسقا تولعان مەرەيجاسىنا ورايلاستىرىپتى. وعان ءانۋار ساپيەۆتىڭ سوڭعى جىلدارى سالعان 47 جۇمىسى قويىلعان.
كورمەنىڭ اشىلۋىنا قوستانايلىق سۋرەتشى ارىپتەستەرى, جاستار, ءوزى قىزمەت ەتەنىن قوستاناي مەملەكەتتىك پەداگوگيكالىق ۋنيۆەرسيتەتىنىڭ وقىتۋشىلارى مەن ستۋدەنتتەرى كەلدى. ول سونىمەن قاتار ءى.وماروۆ اتىنداعى قازاق دراما تەاترىنداعى قويىلىمدارعا اتسالىسادى.
«كورمەگە سوڭعى ەكى جىلدا جازعان شىعارمالارىمدى قويدىم. وندا ولكەنىڭ تابيعاتىن, تاريحىن, قالا كوركىن, ءومىردىڭ ەتيۋدتەرىن الىپ شىقتىم. سول ارقىلى تۋعان جەرگە دەگەن پاريوتتىق سەزىمىيدى كورسەتكىم كەلدى» دەيدى سۋرەتشى. كورمەنىڭ اششىلۋىندا بەلگىلى سۋرەتشى نيكولاي تورشين سۋرەتشىنى قۇتتىقتاي وتىرىپ, ونىڭ شىعارمالارىنا شولۋ جاسادى. ءوزىنىڭ الداعى ۋاقىتتا ەسكەرەتىن سىن-ەسكەرتپەلەرىن دە ايتتى. ونىڭ ايۋىنشا, سۋرەتشى ەشكىمدى قايتالاماۋى ءتيىس, تاريحي تۇلعانى سالسا دا, تابيعاتتى كورسەتكىسى كەلسە دە ءوز ەرەكشەلىگىن كورسەتكەنى ءجون ەكەنىن ايتتى.
ءنازيرا جارىمبەت,
«ەگەمەن قازاقستان»
قوستاناي