پاۆلوداردا تەستىلەۋ وتكىزگەن ءنوۆوسىبىر ۋنيۆەرسيتەتىنىڭ زاڭسىزدىققا جول بەرگەنى انىقتالدى

جوعارى وقۋ ورىندارمەن ىنتىماقتاستىق تۋرالى, ءوڭىر جاستارىنىڭ شەتەلدىك جوعارى وقۋ ورىندارىندا ءبىلىم الۋىن قولدايتىنىن ايتىپ, رەسەيلىك جوعارى وقۋ ورىندارىن اشىق تۇردە جۇمىس ىستەۋگە شاقىردى. سونداي-اق, رەسپۋبليكالىق قوعامدىق-ساياسي «ۆرەميا» گازەتىندە قۇقىق قورعاۋ ورگاندارىنىڭ قىزمەتكەرلەرى پاۆلودارلىق وقۋشىلاردىڭ ءنوۆوسىبىر ۋنيۆەرسيتەتىنە تۇسۋگە  تەست تاپسىرۋىن توقتاتۋىنا بايلانىستى شىققان ماقالاعا قاتىستى  پىكىرىن ءبىلدىردى. 

وبلىس ورتالىعىنداعى  № 6 مەكتەپتە ءنوۆوسىبىر مەملەكەتتىك تەحنيكالىق ۋنيۆەرسيتەتى وڭىردەگى سلاۆيان ورتالىعىمەن بىرلەسىپ بيىلعى جىلدىڭ 22-ناۋرىز كۇنى  تەستىلەۋ وتكىزگەن. ءدىنيسلام بولاتحان ۇلى  بارلىعى دا ءبىزدىڭ ەلدىڭ زاڭ تالاپتارى اياسىندا ۇيىمداستىرىلۋى ءتيىس ەكەنىن ەسكە سالدى. ءنوۆوسىبىر ۋنيۆەرسيتەتىنىڭ وقىتۋشىلارى پاۆلودارعا جەكە تۇلعا رەتىندە ەشبىر قىزمەتتىك كۋالىكسىز, ءىسساپار پاراعىسىز كەلگەن كورىنەدى. قازاقستاندىق جانە شەتەلدىك  جوعارى وقۋ ورىندارى وقۋشىلاردىڭ قاتىسۋىمەن وتەتىن شارالاردى ۇيىمداستىرماس بۇرىن وبلىستىق ءبىلىم بەرۋ باسقارماسىنا حابارلاسۋ كەرەكتىگى, قاجەتتى كەلىسىم شارتتار جاسالۋى كەرەكتىگى ايتىلدى. وبلىستىق ءبىلىم بەرۋ باسقارماسى بارلىق الەمدىك جوو-مەن  ءتۇرلى وليمپيادالاردى وتكىزۋگە دايىن. ەكىنشىدەن, قاۋىپسىزدىك  ماسەلەسى بار. قازىر وقۋشىلاردىڭ, جاستاردىڭ ساناسىنا كەرى اسەر ەتەتىن  ءتۇرلى ترەنينگتەر  بار. وقۋشىلاردىڭ رۋحاني قاۋىپسىزدىگىنە جاۋاپكەرشىلىك–باسقارمانىڭ مىندەتى. وسى جايدان كەيىن نوۆوسيبير مەملەكەتتىك ۋنيۆەرسيتەتىنىڭ رەكتورى اناتولي باتاەۆپەن تەلەفون ارقىلى سويلەسلىپ, الداعى ۋاقىتتا ەكى جاق وقۋ-ءبىلىم سالاسىنا قاتىستى شارالاردى زاڭ شەڭبەرىندە وتكىزۋ كەرەك دەگەن شەشىمگە كەلگەن. ال, «سلاۆيان» ورتالىعىنىڭ  جەتەكىشىسى

  ت. كۋزينا ەلىمىزدىڭ زاڭ نورمالارىن جەتە ءمان بەرمەگەن سوڭ, وسىنداي وليمپيادانى ۇيىمداستىرعانىن مويىنداي كەلە  قاتەلىگىن ءتۇسىندى. بۇل جاعدايدان كەيىن № 6  مەكتەپتىڭ ديرەكتورى گالينا كۋلاكوۆسكايا ءوز ەركىمەن ديرەكتور لاۋازىمىنان باس تارتىپ,  مۇعالىم رەتىندە قالماق.

فاريدا بىقاي,

«ەگەمەن قازاقستان»

پاۆلودار