«رۋحاني جاڭعىرۋ» باعدارلاماسىنا سايكەس, ەڭ الدىمەن «ساكرالدى گەوگرافيا» ارنايى جوباسىن ىسكە اسىرۋ شەڭبەرىندە ساكرالدى نىسانداردىڭ بىرىڭعاي تىزبەسىن جاساۋ ءۇشىن تاريحي-مادەني نىساندار تۋرالى اقپارات جۇيەلەندى.
اتقارىلعان جۇمىستار قورىتىندىسى بويىنشا وڭىردە 10 جالپىۇلتتىق, 19 جەرگىلىكتى ماڭىزى بار ساكرالدى نىسانداردىڭ تىزبەسى بەكىتىلدى. وبلىستاعى تاريحي ماڭىزى زور قاسيەتتى ورىندار تۋرالى تولىق اقپاراتتار وبلىستىق تاريحي-ولكەتانۋ مۋزەيىنىڭ سايتىندا ورنالاسقان «كيەلى قازاقستان» ۆيرتۋالدى كارتاسىنا ەنگىزىلدى. ول سونىمەن قاتار الەۋمەتتىك جەلىلەر پاراقشالارىنا دا تاراتىلدى.
– بۇگىندە قوستاناي وبلىسىنىڭ بارلىق مەملەكەتتىك مۋزەيلەرىنىڭ قورلارىن بىرتىندەپ تسيفرلى جۇيەگە اۋىستىرۋ ءجۇرىپ جاتىر. ىبىراي ءالتىنساريننىڭ مەموريالدىق مۋزەيىنە مۋلتيمەديالىق جابدىقتار, قوستاناي وبلىستىق تاريحي-ولكەتانۋ مۋزەيىنە سەنسورلىق تەرمينال ساتىپ الىندى. وعان ءوڭىردىڭ مادەني-تاريحي, تابيعي مۇرالارى, اتاقتى جەرلەستەرىمىز تۋرالى اقپاراتتى مولىنان ەنگىزۋگە مۇمكىندىك بار, – دەيدى وبلىستىق مادەنيەت باسقارماسىنىڭ باسشىسى ەرلان قالماقوۆ.
وبلىستا وتكەن جىلى ارحەولوگيالىق ەسكەرتكىشتەردى زەرتتەۋ مەن جۇيەلەۋگە ءمان بەرىلىپ, وبلىستىق بيۋدجەت قاراجاتى ەسەبىنەن 3 ارنايى ەكسپەديتسيا جۇرگىزىلدى. سونىڭ ناتيجەسىندە امانكەلدى اۋدانىنداعى – 200, اۋليەكول اۋدانىنداعى 51 ارحەولوگيالىق ەسكەرتكىش تۋرالى ەسەپ جاسالدى. اۋليەكول اۋدانىنىڭ بەلقاراعاي ەلدى مەكەنىندە قازبا مەن دالالىق زەرتتەۋ جۇمىستارى جۇرگىزىلدى. ليساكوۆ قالاسىنداعى جوعارعى توبىل تاريحى مەن مادەنيەتىنىڭ مۋزەيى 2 ولكەتانۋشىلىق عىلىمي-جيناقتاۋ ەكسپەديتسياسىن ۇيىمداستىردى.
وتكەن جىلى قوستاناي وبلىسىندا تەك قوستانايلىقتاردى عانا ەمەس, جالپى رەسپۋبليكا جۇرتشىلىعىن ەلەڭ ەتكىزگەن ەكى وقيعا بولدى. قوستاناي قالاسىندا باتىر, مامىلەگەر شاقشاق جانىبەككە ورناتىلعان ەسكەرتكىش جانە تورعاي وڭىرىندە كەيكى باتىردىڭ باس سۇيەگىن قاستەرلەپ تۋعان جەر قوينىنا تاپسىرۋ ءراسىمى جانە قازاق حالقىنىڭ رۋحاني بايتەرەگىنىڭ ءبىرى ىبىراي ءالتىنساريننىڭ كەسەنەسىن قايتا جاڭعىرتۋ ۇلتتىق رۋحتى كوتەرگەن شارالار بولدى.
ءنازيرا جارىمبەت, «ەگەمەن قازاقستان»
قوستاناي