ازەربايجاننىڭ قازىرگى پرەزيدەنتى يلحام اليەۆ, ونىڭ جۇبايى مەحريبان اليەۆا جانە وتباسى مۇشەلەرى ءوز تاڭداۋىن جاسادى.
مەملەكەت باسشىسى باكۋ قالاسىنداعى سابايل سايلاۋ وكرۋگىنىڭ №6 سايلاۋ ۋچاسكەسىنە كەلىپ داۋىس بەرگەن.
كەزەكتەن تىس وتكىزىلىپ وتىرعان سايلاۋعا 8 كانديدات قاتىسىپ جاتىر. مەملەكەت باسشىسى يلحام اليەۆتەن بولەك, سوتسيال-دەموكراتيالىق پارتياسىنىڭ وكىلى اراز اليزادە, ءبىرتۇتاس حالىق مايدانى پارتياسىنان گۋدرات گاسانگۋليەۆ پرەزيدەنتتىك دوداعا ءتۇستى. «ۇلتتىق مايدان توپتارىنىڭ وكىلى رازي نۋرۋللاەۆ جانە ۇلتتىق ورلەۋ قوزعالىسى» پارتياسىنان ۇسىنىلعان فاراد گۋليەۆ تە ەل باسقارۋدان ءۇمىتتى. سونىمەن قاتار, «جاڭا مۋساۆات» پارتياسىنان حافيز گۋدجيەۆ پەن ءوزىن-ءوزى ۇسىنۋشى زاحيدا ورۋدجا دا كانديداتتار قاتارىندا.
ەلدەگى ماڭىزدى وقيعانى باقىلاۋعا الەمنىڭ تۇكپىر-تۇكپىرىنەن 900-گە جۋىق باقىلاۋشى كەلدى.
ايتا كەتەرلىگى, پرەزيدەنتتىك سايلاۋدى 894 حالىقارالىق جانە 58 175 جەرگىلىكتى باقىلاۋشى قاداعالاپ وتىر. ورتالىق سايلاۋ كوميسسياسى بەس رەت, 10:00, 12:00, 15:00, 17:00 جانە 19:00-دە شارانىڭ قالاي ءوتىپ جاتقانى تۋرالى مالىمەت تاراتادى. تاڭەرتەڭ 08:00-دە باستالعان سايلاۋ كەشكى 19:00-دە اياقتالادى.
اباي اسانكەلدى ۇلى,
«ەگەمەن قازاقستان»
باكۋ