ءبىر تەڭگەلىك جولاقى

العاشقى ەكى اپتانىڭ قورىتىندىسى ايتارلىقتاي ناتيجە بە­رىپ وتىر. اتالمىش كوم­پانيانىڭ اكتسياسىن ال­ماتىداعى قوعامدىق كو­لىكتە 60 مىڭنان استام ادام پايدالانعان. جالپى ال­عاندا, ەسەپتى كەزەڭدە SMS ارقىلى 370 مىڭ تو­لەم جاسالعان.

«اكتسيانىڭ العاشقى ناتيجەسى ءبىز ويلاعاننان اسىپ ءتۇستى. كليەنتتەر مەن SMS ترانزاكتسيا­لار سا­نى ءوسىپ كەلەدى. جا­قىندا تاۋ­لىكتىك رەكورد – 100 مىڭ وپە­راتسيا جاسالدى. تەح­ني­كالىق تۇرعىدان ءبىز بۇل سان­دى ەكى ەسە ارتتىرۋعا دايىن­بىز», دەيدى Beeline-­قا­زاق­ستاننىڭ ترانس­­­­­­­­فورماتسيا جانە سترا­­­تە­­­­گيا جونىندەگى باس ديرەكتو­رى ولەگ ال­دوشين.

«الماتىداعى قوعام­دىق كولىكتە جولاقى 1 تەڭ­گە» اكتسياسى 1 ناۋرىزدا باستالعان بولاتىن. بۇل باستاما ۇستىمىزدەگى جىل­دىڭ 31 مامىرىنا دەيىن جالعاسادى. قىز­مەتتى Beeline-نىڭ الدىن-الا تو­لەم جۇيەسىنە قو­سىلعان كليەنت­تەر SMS-تولەم ار­قىلى پايدالانا الادى.

جول اقىسىن تولەۋ ءۇشىن اۆتوبۋستىڭ نەمەسە تروللەيبۋستىڭ ىشىندە كورسەتىلگەن كولىك كودىن 2505 نومىرىنە جىبەرۋ كەرەك. تەلەفون تەڭگەرىمىنەن 80 تەڭگە ۇستالادى دا, ونىڭ 79 تەڭگەسى بىردەن تەڭگەرىمگە قايتارىلادى. وسىلايشا, جولاقى قۇنى 1 تەڭگەنى قۇرايدى. بۇل قىزمەتتى قالا تۇرعىن­دارىنىڭ بارلىعى پايدالانا الادى.

SMS-تولەم مەن Beeline اكتسياسى قالاداعى بار­لىق باعىتتاعى اۆتوبۋس­تار مەن تروللەيبۋستاردا قول­دانىلۋدا.

الايدا اكتسيا الماتى قالاسىنداعى جەر ۇستىندە جۇرەتىن قوعامدىق كولىك­تە جۇرۋگە عانا جارايدى. SMS-تولەم ءۇشىن تەڭ­گەرىمدە ەڭ كەمى 80 تەڭگە بولۋى كەرەك. اكتسيا بو­يىنشا تاۋلىگىنە ەڭ كوبى 3 رەت جۇرۋگە بولادى.

ورايى كەلىپ تۇرعان­دا, تۇرعىندارعا جول­اقى­­نى تولەۋدىڭ جاڭا ما­­دە­نيەتىن كىرىكتىرۋگە بەل شەشە كىرىسكەن بايلا­نىس وپەراتورىنىڭ شتاب-­پاتەرى امستەردام (ني­دەرلاند) قالاسىندا ور­نالاسقانىن ايتا كە­تەلىك. «Veon» حا­لىق­­­­ا­را­­لىق تەلە­كوم­مۋني­كا­تسيالىق حول­دين­گىنىڭ ءبىر بولىگى بولىپ تا­بى­لادى. قازىر «Veon» – ابونەنت­تەر سانى بويىنشا الەمدە جەتىنشى ورىندى يەلەنەدى. 2017 جىل­عى ءۇشىنشى توق­ساننىڭ قورىتىندىسى بويىنشا, كومپانيا 235 ميلليون­نان استام ابونەنتكە قىز­مەت كورسەتەدى.

ايناش ەسالي, «ەگەمەن قازاقستان»

الماتى