رەسەيدىڭ كەمەروۆ قالاسىنداعى ساۋدا ويىن ساۋىق ورتالىقتارىنىڭ بىرىندەگى ورتتەن قازا تاپقاندار سانى 64 ادامعا جەتتى. بۇل تۋرالى رەسەيدىڭ توتەنشە جاعدايلار ءمينيسترى ۆلاديمير پۋچكوۆ مالىمدەدى.
كەمەروۆ وبلىسىنىڭ گۋبەرناتورى امان تۋلەەۆ ساۋدا ورتالىعىنىڭ يەلەر قايتىس بولعان اربىر وتباسىعا ءبىر ميلليون رۋبلدەن بولۋدى ۇسىندى. سونداي-اق, ءدال وسى كولەمدە مەرت بولعانداردىڭ وتباسىنا وبلىستىق اكىمشىلىك تە قارجى بولمەك.
وقيعا ورنىنداعى كۋاگەرلەردىڭ ءبىرى ءورت باستالعاندا عيماراتتا دابىل جۇيەسى ىسكە قوسىلماعانىن مالىمدەدى. "دابىل تۇرماق ەشنارسە دە ىستەمەدى. شاتىردان سۋ تامشىلاعاننىڭ سالدارىنان ىشىندە جارىق جۇيەسى ىستەن شىققان دەيدى. ءبىر اپتا جارىق بولماعان ەكەن. پروبلەمانى شەشكەن سياقتى ەدى. بىراق ناتيجەسى وزدەرىڭىز كورگەندەي بولدى", دەدى كۋاگەرلەردىڭ ءبىرى.
سەيسەنبى كۇننەن باستاپ وڭىردە ءۇش كۇندىك قارالى كۇن جاريالانباق. قازا بولعان 64 ادامنىڭ تەك 15-ءىنىڭ عانا كىم ەكەنى انىقتالعان. ال التى ادامنىڭ دەنەسى ءۇيىندىنىڭ استىندا قالىپتى.