«ازەربايجان» قوعامدىق تەلەارناسىنىڭ ورتالىق ازيا بويىنشا وكىلى فيزۋلي مەدجيدلي لاتىن ءالىپبيىنىڭ جاڭارتىلعان نۇسقاسىنا قاتىستى پىكىر ءبىلدىردى.
"لاتىن قارپىنە كوشۋ ءبىز ءۇشىن دە وتە ماڭىزدى وقيعا جانە وسى ايتۋلى وقيعامەن قازاقستاندى قۇتتىقتاعىم كەلەدى. قازاقستان تۇركيا, ازەربايجان, تۇرىكمەنستان جانە وزبەكستاننان كەيىن لاتىن گرافيكاسىن قابىلداعان بەسىنشى مەملەكەت بولىپ سانالادى. قازاقستان كيريلليتساعا نەگىزدەلگەن ءالىپبيدى پايدالانىپ كەلدى. سوندىقتان بۇرىن ءبىر-ءبىرىمىزدى ءتۇسىنۋ قيىنعا سوعاتىن. ەندى كوپ دۇنيەدە ءتۇسىنىسۋ وڭاي بولماق. الداعى ۋاقىتتا تۇركيا مەن ازەربايجانداعى ميلليونداعان وقىرماندار قازاق تىلىندەگى دەرەككوزدەردى وڭاي پايدالانا الادى. سونىمەن قاتار عاسىردان استام ۋاقىت بۇرىن باكۋ قالاسىندا وتكەن ءبىرىنشى تۇركولوگيالىق سەزدە زيالى قاۋىم وكىلدەرى ءبىر-ءبىرىن اۋدارماشىنىڭ كومەگىنسىز تۇسىنگەنىن ەستەن شىعارماۋ قاجەت. لاتىن قارپىنە كوشۋ تۇركى الەمىن بىرىكتىرۋ جولىندا ماڭىزدى قادامعا اينالادى دەپ سەنەمىز. سونداي-اق بۇگىن قابىلدانعان ءالىپبيدىڭ الدىڭعى ەكەۋىنە قاراعاندا ءتيىمدى ءارى قولدانۋعا ىڭعايلى ەكەندىگىن اتاپ وتكىم كەلەدى", دەيدى ول "ەگەمەن قازاقستان" گازەتىنە بەرگەن پىكىرىندە.