تۇرلىبەك مامەسەيىت. قولجازبا – شيكىزات

1980-جىلداردىڭ باسىندا تۇر­سىنبەك كاكىشەۆتىڭ «وڭاشا وتاۋ» دەگەن كىتابىنا رەداكتور بولدىم. اۆتور قىسقارتۋعا كونبەي, كىتاپتىڭ شىعۋى ۇزاققا سوزىلدى. كوميتەت الاش ارىستارىنىڭ اتىن الىپ تاستاۋ كەرەك دەگەن ءتىزىم بەرىپ قويعان. سىننىڭ قالىپتاسۋ كەزەڭى تۋرالى جاقسى ەڭبەك. بىراق بايتۇرسىنوۆ, سادۋاقاسوۆ, ايماۋىتوۆتاردىڭ اقتالماعان كەزى. تسەنزۋ­را جىبەرمەيدى. تۇرسىنبەك اعامىز كەلىپ: «مەن ولاردى ماقتاپ تا تۇرعان جوقپىن, پىكىرلەرىن عانا ايتىپ وتىرمىن» دەيدى. مەن دۇرىس دەيمىن. ءوزىم جىبەرگەنمەن مەنەن كەيىن وقيتىندار بار. ءسويتىپ ءۇش جىل ايتىسىپ-تارتىسىپ شىقتى. اۆتوردىڭ ايتقان ويىنىڭ ۇشتەن ءبىرى عانا قالدى. كىتاپ جۇلمالانىپ شىقتى. ول كەزدە جاقسى ەڭبەكتەرگە وسىن­­داي قياناتتار جاسالىپ جاتاتىن.  قالمۇقان يساباەۆ پەن كامەن ور­زالين­نىڭ روماندارىنا رەداكتور بولدىم. قالاعاڭ مارقۇم ەرتىس-قاراعاندى كانا­لىنىڭ بويىمەن جاياۋ ءجۇرىپ, رومان جازدى. سونى وقىپ وتىرىپ, شۇبالاڭقى, كەي جەرى كوركەم شىعارمادان گورى پۋب­ليتسيستيكاعا كەلەتىن جەرلەرىن سىزىپ, ەسكەرتۋلەر ايتسام, «ونى­ ءوزىم دە ءبىلىپ ەدىم, قۋ بالا, بايقاپ قويىپ­سىڭ» دەپ كەلىسىپ وتىراتىن. ءبىر كۇنى «قا­لاي بوپ جاتىر؟» دەپ كەلىپتى. «اعا, سۋى كوپ بوپ تۇر» دەسەم, «ەندى ءوزى دە سۋ تۋرالى عوي, سۋى كوپ بولماي ما؟» دەپ ك ۇلىپ, قاتتى داۋ-­دامايعا بارماي ىمارا تاباتىن. كەيىن استاناعا اۋىسىپ, «ەلوردا» باسپاسىنا كەلگەندە ارنايى مەنى ىزدەپ كەلىپ, كەزەكتى كىتابىنا رەداكتور ەتىپ الدى. كامەن ورازا­لين­نىڭ «ابايدان سوڭ» دەيتىن ءتورت كى­تاپتان تۇراتىن رومانى شىقتى. ءبىرىنشى كىتابى قىسقارىپ شىعىپتى, كەيىنگى ۇشەۋى مەنىڭ قولىمنان ءوتتى. سوڭعى ءتورتىنشى كىتابى شىعاردا ول كىسى دە استاناعا ىزدەپ كەلىپ, رەداك­تور بولعانىمدى قالادى. 600 بەت قول­جازباسىن ءتورت ءجۇز جەتپىس بەتكە قىس­قارت­تىم. رەنجىگەن جوق.  

قازىرگى كىتاپتىڭ وڭباي جاتقانى – رەداك­­توردىڭ جوقتىعى. قازىرگى باسپا تولىق ەمەس, رەداكتورى جوق. كەز كەلگەن فيلو­لوگيانى بىتىرگەن ادام وقىپ بەرەدى. شىنىن ايتقاندا وقىعان بولادى. ەشقانداي رەداكتسيالاۋ جوق. شەريازدان ەلەۋكەنوۆ باياعىدا ايتاتىن: «قولجازبا – شيكىزات» دەپ. سول شيكىزاتتى كىتاپ ەتىپ شىعاراتىن  – رەداكتور.

تۇرلىبەك مامەسەيىت,  جازۋشى