اقپارات جانە كوممۋنيكاتسيالار مينيسترلىگىنىڭ كەڭەيتىلگەن القا ماجىلىسىندە مينيستر داۋرەن اباەۆ بيىل اتقارىلاتىن جۇمىستار رەتىنە توقتالدى.
ءمينيستردىڭ سوزىنشە, 100 جاڭا ەسىم جوباسى اياسىندا ۇسىنىلاتىن ەرەكشە جوبالارعا مەملەكەت جان-جاقتى قولداۋ كورسەتەدى.
«پرەزيدەنتىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا مينيسترلىك «قازاقستاننىڭ 100 جاڭا ەسىمى» جوباسىن جۇزەگە اسىردى. ولار ءوز ەڭبەكتەرىمەن بيىك بەلەستەردى باعىندىرعان جاندار. بيىل ەكى باعىت بويىنشا جۇمىس جالعاسا بەرەدى. بىرىنشىدەن, 100 جاڭا ەسىمگە لايىق بولعان تۇلعالاردىڭ جەتىستىككە جەتۋدەگى تاريحىن كورسەتۋ جالعاسادى. ەكىنشىدەن, سول كىسىلەردىڭ وزدەرى ۇسىنعان ەرەكشە جوبالارعا مەملەكەت جان-جاقتى قولداۋ كورسەتۋگە ءازىر», دەيدى مينيستر داۋرەن اباەۆ.
ايا ءومىرتاي
«ەگەمەن قازاقستان»