ۇلتتىق ەكونوميكا مينيسترلىگى: وتكەن جىلعى ءوسىم جوعارى

ۇلتتىق ەكونوميكا ءبىرىنشى ۆيتسە-ءمينيسترى رۋسلان دالەنوۆ ءوزىنىڭ بايانداماسىندا قازاقستاننىڭ ءىجو-ءسى 2017 جىلعى قورىتىندى بويىنشا 4 پايىزدى قۇراعاندىعىن ەسكە سالدى. ونىڭ ايتۋىنشا, 2017 جىلعى باستى ەكونوميكالىق قورىتىندىنى مىنا سەبەپتەر بويىنشا ساپالى دەپ اتاۋعا بولادى.

ء«وسىمنىڭ ۇشتەن ەكىسى وڭدەۋشى ەمەس سالالار ارقىلى قامتاماسىز ەتىلدى, بارلىق ىشكى سالادا دەرلىك ءوسىم ورىن الدى (2016 جىلعى 22 سالاعا قاراعاندا 2017 جىلى 31 سالادا وڭ ءوسىم بولدى), وڭدەۋ ونەركاسىبىندە بەسجىلدىق جوعارى ءوسىم تىركەلدى (2017 جىلى وڭدەۋ ءوسىمى 5,1 پايىز), قالاۋلى دەپ اتالاتىن سالالاردا ەلەۋلى ءوسىم بار (ماسەلەن, فارماتسەۆتيكا 41,8 پايىزعا وسكەن), شيكىزاتسىز ەكسپورت پەن تەرەڭدەي وڭدەلەتىن تاۋارلارىنىڭ ۇلعايۋى بايقالادى. 2017 جىلعى ەل ەكونوميكاسىنىڭ ساپالى وسىمگە جەتۋىنە «نۇرلى جەر» باعدار­لاماسىن جۇزەگە اسىرۋ ءوز ۇلەسىن قوسىپ وتىر, سونىڭ ارقاسىندا رەكوردتىق 11,2 ملن شار­شى مەتر تۇرعىن ءۇي ىسكە قوسىلدى. «نۇر­لى جول» باعدارلاماسىنىڭ اياسىندا 4 مىڭ شاقىرىم جول قايتا قۇرىلدى, سون­داي-اق ەلدى يندۋستريالاندىرۋ كارتاسى بو­يىنشا 120 جوبا پايدالانۋعا ەنگىزىلدى. قابىل­دانعان ەكسپورتتىق ستراتەگياسىنىڭ اياسىندا ەلىمىزدەگى 400 ەكسپورتتاۋشىعا قولداۋ كور­سەتىلدى, 192 مىڭ بيزنەس سۋبەكتىسى «بيزنەس­تىڭ جول كارتاسى-2020» باعدارلاماسى اياسىندا قولداۋعا يە بولدى», دەدى ر.دالەنوۆ.

ءبىرىنشى ۆيتسە-مينيستر 2018 جىلعى مي­نيستر­لىك مىندەتتەرىنىڭ قاتارىندا ەلىمىز­دىڭ ماكروەكونوميكالىق تۇراقتىلى­عىن قامتاماسىز ەتۋدى, بيۋدجەتارالىق قاتىناس­تار­دى جەتىلدىرۋدى, سالىق ساياساتىن نىعايتۋدى, مەملەكەت-جەكەمەنشىك ارىپتەستىگى قۇرالدارى مەن ادىستەرىن كەڭەيتۋدى, ەلدىڭ بەرەشەكتەرىن ءتيىمدى باسقارۋدى اتادى.

ۇلتتىق ەكونوميكا ۆيتسە-ءمينيسترى باۋىر­جان بەكەشەۆ ءوز بايانداماسىندا 2017 جىلى بارلىق ماڭىزدى كورسەتكىشتەر بويىنشا سىرتقى ساۋدادا وڭ ديناميكا بايقالعاندىعىن اتاپ كورسەتتى.

ء«بىز 2016 جىلمەن سالىستىرعاندا سىرت­قى ساۋدا اينالىمىندا 25,1 پايىزدى قۇرايتىن ەداۋىر ءوسىمدى بايقاپ وتىرمىز. 2017 جىلعى اقشالاي ماندەگى كورسەتكىش 69,5 ملرد اقش دوللارىن قۇرادى (2016 جىلى ۇقساس كورسەتكىش 55,5 ملرد اقش دوللارىنا تەڭ بولدى)», دەدى ب.بەكەشەۆ.

ول وتكەن 2017 جىلى سىرتقى ساۋدا قۇ­رى­لى­مى ايتارلىقتاي وزگەرگەندىگىن اتاپ كورسەتتى.

«شيكىزاتسىز ءونىم ۇلەسىنىڭ ءوسىمى باي­قالا­دى, ەكسپورتتىڭ قۇرىلىمىندا جاڭا تاۋارلىق قاعيدالار پايدا بولۋدا. ماسەلەن, قازاقستان ەكسپورتىنىڭ جالپى كولەمى 31,6 پايىزعا ءوستى جانە 43,1 ملرد اقش دوللارىن قۇرادى (2016 جى­لى 32,7 ملرد اقش دوللارى). شيكىزاتسىز تاۋار­لاردىڭ ۇلەسى ايتارلىقتاي ۇلعايدى, بۇل كور­سەتكىش بويىنشا ءوسىم 22,1 پايىزدى قۇرادى», دەدى ول.

ۆيتسە-مينيستر ايباتىر جۇماعۇلوۆ مينيسترلىكتىڭ جەرگىلىكتى ءوزىن-ءوزى باسقارۋدى دامىتۋ جونىندەگى جۇمىستارى تۋرالى بايانداپ, 2017 جىلى قابىلدانعان جەرگىلىكتى ءوزىن-ءوزى باسقارۋدى دامىتۋ ماسەلەلەرى جونىندەگى زاڭعا سايكەس ءجوب بيۋدجەتى مەن كوممۋنالدىق مەنشىگى 2018 جىلعى 1 قاڭتاردان باستاپ حالىق سانى 2 مىڭنان اساتىن اۋىلدىق وكرۋگتەردە, ال 2020 جىلعى 1 قاڭتاردان باس­تاپ بارلىق جەرلەردە ەنگىزىلەتىنىن تىلگە تيەك ەتتى.

راۋان قايدار, «ەگەمەن قازاقستان»