كورەي حالىق دەموكراتيالىق رەسپۋبليكاسىنىڭ (كحدر) باسشىسى كيم چەن ىن وڭتۇستىك كورەيا پرەزيدەنتى مۋن چجە ءيندى پحەنيانعا شاقىردى. ونىڭ سالەمىن قارىنداسى كيم ە چجون جەتكىزدى. كيم ە چجون سولتۇستىككورەيالىق كوشباسشىلار وتباسىنىڭ اراسىنان العاش رەت سەۋل قالاسىنا بارىپ وتىر.
كيم ە چجون سولتۇستىككورەيالىق دەلەگاتسيا قۇرامىندا وڭتۇستىك كورەيا وكىلدەرىمەن جوعارى دەڭگەيلى كەزدەسۋ وتكىزدى. Yonhap اگەنتتىگىنىڭ حابارلاۋىنشا ول اعاسىنىڭ شاقىرۋىن اۋىزشا جەتكىزگەن. كەزدەسۋ كوك ءۇي اتالىپ كەتكەن پرەزيدەنت سارايىندا ءوتتى. وڭتۇستىك پرەزيدەنتى مۋن چجە ين مەن كيم ە چجون ءبىر-بىرىنە جىلى لەبىزدەرىن ءبىلدىردى. سولتۇستىك ايماقتىڭ قۇرامىندا كحدر-دىڭ رەسمي باسشىسى – ەلدىڭ جوعارى جينالىسىنىڭ پرەزيديۋمىنىڭ توراعاسى كيم يۋن نام دا بولدى.
بۇل 1950 جىلى ەكى مەملەكەت اراسىنداعى سوعىستان بەرگى العاش رەت سەۋلدە وتكەن جوعارى دەڭگەيلى كەزدەسۋ بولىپ وتىر. وتكەن عاسىرداعى شيەلەنىستەن كەيىن كحدر-دى باسقارعان وتباسىلار قۇرامىنان سەۋلگە ەشكىم بارماعان. ال وڭتۇستىك كورەيا پرەزيدەنتتەرى پحەنياندا ەكى مارتە بولىپتى.
مۇنداي جوعارى دەڭگەيلى كەزدەسۋ وڭتۇستىك كورەيانىڭ پحەنچحان قالاسىندا ءوتىپ جاتقان وليمپيادانىڭ ارقاسىندا ۇيىمداستىرىلدى. ايتا كەتەرلىگى, ەكى كورەي ەلىنىڭ سپورتشىلارى وليمپيادانىڭ اشىلۋ سالتاناتىندا ءبىر تۋدىڭ, ءبىر ءانۇراننىڭ استىندا شىقتى.
Yonhap اگەنتتىگى مۋن چجە ءيننىڭ پحەنيانعا بارۋى كورەي حالىقتارى اراسىنداعى ءۇشىنشى سامميت بولۋى مۇمكىن ەكەنىن حابارلادى. العاش رەت پحەنيانعا 2000 جىلى وڭتۇستىك كورەيانىڭ سول كەزدەگى پرەزيدەنتى كيم دە چجۋن جول سالسا, ەكىنشى رەت 2007 جىلى كەزەكتى پرەزيدەنتى نو مۋ حەن بارعان.
وڭتۇستىك كورەيانىڭ قازىرگى پرەزيدەنتى مۋن چجە ين وتكەن جىلى سايلاۋدا جەڭىسكە جەتكەن. وسى سايلاۋدىڭ الدىندا ول سولتۇستىك كورەيامەن بايلانىستى رەتتەۋ ماقساتى باستى نازاردا بولاتىنىن مالىمدەگەن. الايدا, كورەي تۇبەگىندەگى جاعداي كۇن وتكەن سايىن ۋشىعا بەردى. وعان كيم چەن ىننىڭ باستاۋىمەن بىرنەشە رەت بالليستيكالىق راكەتالاردى سىناقتان وتكىزۋى جانە اقش پرەزيدەنتى دونالد ترامپپەن كيكىلجىڭگە بارۋى سەبەپ بولدى.
كيم چەن ىننىڭ قارىنداسى بىرەر كۇن بۇرىن وتكەن وليمپيادانىڭ اشىلۋىنا قاتىستى. ءدال وسى جيىنعا اقش-تىڭ ۆيتسە-پرەزيدەنتى مايكل پەنستىڭ دە قاتىسقانى بەلگىلى بولدى (فوتودا). بىراق ەكەۋىڭنىڭ اراسىندا ەشقانداي كەلىسسوز بولعان جوق. ال اشىلۋ سالتاناتىنان كەيىن سولتۇستىككورەيالىق دەلەگاتسيا كوك ۇيگە شاقىرىلدى.
كيم ە چەن اعاسى كيم چەن ىننىڭ سەنىمدى قىزمەتكەرلەرىنىڭ ءبىرى بولىپ ەسەپتەلەدى. وتكەن جىلى كحدر كوشباسشىسى 30 جاستاعى قارىنداسىن ەڭبەك پارتياسى ساياسي بيۋروسىنىڭ مۇشەسى ەتىپ تاعايىنداعان. كيم ە چەن كحدر-داعى ادام قۇقىقتارىنىڭ بۇزىلۋىنا قاتىسى بار دەگەن ايىپپەن اقش-تىڭ سانكتسيالار تىزىمىنە ەنگىزىلگەن.
دايىنداعان
ايان ءابدۋالي, «ەگەمەن قازاقستان»