قىسقى وليمپيادا. پحەنچحان قالاسىنا تاياۋ تۇستا جەر سىلكىندى

جەرگىلىكتى مەتەورولوگيا باسقارماسىنىڭ حابارلاۋىنشا, جەكسەنبى كۇنى تاڭەرتەڭ وڭتۇستىك كورەيانىڭ شىعىس جاعالاۋىنداعى كەنسان-پۋكتو پروۆينتسياسىنىڭ پحوحان قالاسىندا ماگنيتۋداسى 4,6 ماگنيتۋدالى بولاتىن جەراستى ءدۇمپۋى بولدى.

جەر سىلكىنىسى جەكسەنبى كۇنى جەرگىلىكتى ۋاقىتپەن 05.03-تە تىركەلگەن.ء زىلزالا بولعان پحوحان قالاسى قىسقى وليمپيادا ويىندارى بولىپ جاتقان پحەنچحاننان 160 شاقىرىم قاشىقتىقتا ورنالاسقان.

ال قىسقى ويىندار ءوتىپ جاتقان پحەنچحان قالاسىندا اۋا رايى قۇبىلىپ تۇر. مۇندا اۋا تەمپەراتۋراسى -25 گرادۋسقا دەيىن تومەندەيدى دەگەن بولجام بار. قازاقپارات مالىمەتى بويىنشا وليمپيادا ويىندارىنان تىكەلەي حابار تاراتىپ جاتقان جۋرناليستەرگە وليمپيادا ويىندارىن ۇيىمداستىرۋ كوميتەتىنىڭ وكىلى پەك يۋ وتكىزگەن ءباسپاسوز ءماسليحاتى بارىسىندا ەسكەرتكەن.

«بۇگىن قاتتى جەل سوعىپ تۇر. كۇننىڭ سۋىتىپ كەلە جاتقانى بايقالادى. سينوپتيكتەر اۋا رايىنىڭ كۇرت قۇبىلۋى 14 اقپانعا دەيىن جالعاساتىندىعىن بولجاۋدا. اۋا تەمپەراتۋراسى 25 گرادۋسقا دەيىن تومەندەيدى. مەن بارلىقتارىڭىزعا جىلى كيىنىپ جۇرۋگە كەڭەس بەرەمىن», - دەپ مالىمدەدى سون پيك يۋ.

ەستەرىڭىزگە سالا كەتەيىك, بۇگىن اۋا رايىنا بايلانىستى جارىستاردىڭ كەستەسىنە وزگەرىستەر ەنگەن بولاتىن.