وڭتۇستىك كورەيانىڭ پحەنچحان قالاسىندا ءوتىپ جاتقان قىسقى وليمپيادا ويىندارىنا بۇگىن وزگەرىستەر ەنگىزىلدى.
بۇگىن قازاقستاندىق شاڭعىشىلار جارىس جولىنا شىعۋى ءتيىس ەدى. الايدا وليمپيادا قالاشىعىندا جەلدىڭ قاتتى سوعۋىنان جارىستار 15-16 اقپانعا اۋىستىرىلدى.
FIS (حالىقارالىق شاڭعى سپورتى فەدەراتسياسى) مالىمەتى بويىنشا, بۇگىن جەلدىڭ جىلدامدىعى ساعاتىنا 72 كم دەيىن جەتەدى دەپ بولجانىپ وتىر. سپورتشىلاردىڭ جاراقات الىپ قالۋىنىڭ الدىن الۋ ءۇشىن وسىنداي شەشىم قابىلداندى.
ايتا كەتەيىك, بۇگىن شاڭعىشىلار اراسىندا قازاقستاندىق يگور زاكۋرداەۆ سىنعا ءتۇسۋى ءتيىس بولاتىن.