قازاقستان فۋتبول فەدەراتسياسىنىڭ كەزەكتەن تىس كونفەرەنتسياسىندا فەدەراتسيا پرەزيدەنتى لاۋازىمىنا قر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ سايلاندى, دەپ حابارلايدى sports.kz.
شەشىم ءبىراۋىزدان قابىلداندى. جالعىز كانديداتقا فەدەراتسيانىڭ جيىنعا قاتىسقان بارلىق 33 دەلەگاتى بىردەي داۋىس بەردى.
ادىلبەك رىسكەلدى ۇلى ءبىر لاۋازىمعا العاش رەت سايلانىپ وتىرعان جوق. ول بۇعان دەيىن 2007 جىلى وتاندىق فۋتبولعا جەتەكشىلىك ەتىپ, قىزمەتىن 2014 جىلدىڭ سوڭىنا دەيىن اتقارعان ەدى. سول كەزدە ادىلبەك جاقسىبەكوۆ فۋتبول فەدەراتسياسىنا باسشىلىققا كەلىسىمەن الدىن الا كەلىسىلگەن تورەشىلىك ماسەلەسىن رەتتەدى. ول بىرنەشە ءاربيتردى ءومىر بويىنا قىزمەتىنەن شەتتەدى.