بۇعان دەيىن مىندەتتى الەۋمەتتىك مەديتسينالىق ساقتاندىرۋ جۇيەسى 2020 جىلعا دەيىن شەگەرىلگەن بولاتىن. بۇگىن ۇكىمەت باسشىسىنىڭ ورىنباسارى ەربولات دوساەۆ پرەزيدەنتكە اتالعان جۇيەنى ءبىر جىل بۇرىن تولىعىمەن ىسكە قوسۋعا ۋادە بەردى, دەپ حابارلادى قازاقپارات.
ۇكىمەتتىڭ كەڭەيتىلگەن ماجىلىسىندە مەملەكەت باسشىسى نۇرسۇلتان نازارباەۆ مەديتسينالىق ساقتاندىرۋ ماسەلەسىن تاعى ءبىر مارتە پىسىقتاپ, دايىندىق شارالارى تۋرالى سۇرادى. پرەمەر-ءمينيستردىڭ ورىنباسارى ەربولات دوساەۆتىڭ ايتۋىنشا, مىندەتتى الەۋمەتتىك مەديتسينالىق ساقتاندىرۋ جۇيەسى كەلەسى جىلدان باستاپ ىسكە قوسىلادى.
«نۇرسۇلتان ءابىش ۇلى, ءوزىن-ءوزى جۇمىسپەن قامتىپ جۇرگەن ازاماتتار بويىنشا بارلىق جۇمىستاردى وسى جىلدىڭ ىشىندە بىتىرەمىز. اقپاراتتىق جۇيەلەر, تىركەۋ سياقتى زاڭنامالارعا كوكتەمدە وزگەرىستەر ەنگىزىلەدى. ناتيجەلى جۇمىسپەن قامتۋ جانە جاپپاي كاسىپكەرلىك باعدارلاماسىن نەگىزگە الا وتىرىپ, ءبىز مىندەتتى الەۋمەتتىك مەديتسينالىق ساقتاندىرۋدى ءبىر جىل بۇرىن باستاۋعا بەل بۋىپ وتىرمىز. ءسىزدىڭ الدىڭىزدا وسىنداي مىندەتتى الۋعا دايىنبىز. 2020 جىلدىڭ ورنىنا 2019 جىلدا باستايتىن بولامىز. زاڭ بويىنشا ونى 2020 جىلعا دەيىن قالدىرعان ەدىك. ەندى, بيىل ءبارىن ءبىتىرىپ, كەلەسى جىلدان باستايىن دە وتىرمىز», - دەدى ە.دوساەۆ.