حوش, سونىمەن ميلليونداعان جانكۇيەرلەردىڭ جۇرەگىن لۇپىلدەتكەن پحەنچحانداعى اق وليمپيادا ويىندارى بۇگىن كەشكى ساعات 20.وو-دە (ەلىمىزدە كەشكى بەستە) ورتالىق ستاديوندا سالتاناتتى تۇردە اشىلىپ, ءۇش-ءتورت ساعات بويى كورەرمەندەردى قىزىققا بولەمەك. ازىرشە وليمپيادانى ۇيىمداستىرۋشىلار ونى قۇپيا ۇستاپ وتىر.
بۇل جولعى اق وليمپيادانىڭ ەرەكشەلىگى, سوڭعى جىلدارى ءدۇرداراز بوپ كەلگەن, تۋىسقان ءبىر حالىق بولسا دا قارىم-قاتىناسىن جاقسارتۋدىڭ ورنىنا سالقىنداتىپ جىبەرگەن سولتۇستىك كورەيانىڭ توڭى ءجىبىپ, پحەنچحانداعى وليمپيادادا ءبىر تۋ استىندا ونەر كورسەتۋى بەيبىتشىلىك سۇيگىش قوس كارىس حالقىن قۋانىشقا بولەدى.
كەشە ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلى, فريستايلدىڭ اكروباتيكا تۇرىنەن جارىسقا تۇسەتىن جانبوتا الدابەرگەنوۆا, اقمارجان قالمىرزاەۆا, مارجان اقجىگىت, ايانا جولداس, «سامۇرىق-قازىنا» ۇلتتىق ءال-اۋقات قورى دەمەۋشىلىگىمەن ەل ساڭلاقتارىنا جاناشىر بولىپ كەلگەن ءبىر توپ ەڭبەك وزاتتارى پحەنچحان مەن كاننىن كلاستەرىندەگى قوناقۇيلەرگە ورنالاستى.
- بۇل مەنىڭ تۇڭعىش وليمپيادام. جانبوتاعا قاراعاندا تاجىريبەمنىڭ كەم سوعىپ جاتقانىن ءوزىم دە سەزەمىن. دەسەك تە, نامىستى جانىپ, قۇربىلارىممەن بىرگە بار كۇشىمىزدى سالىپ سەكىرۋگە كۇش سالامىز,-دەيدى اقمارجان قالمىرزاەۆا.
سەگىزىنشى اقپاندا فريستايلدىڭ موگۋل تۇرىمەن سەكىرۋشىلەر «فەنيكس سنوۋ پاركتە» جاتتىعۋلار جاسادى. نەبارى ءۇش جاسىندا شاڭعىعا تۇرعىزىپ, ءتورت جاسىندا اسا قاۋىپتى فريستايلگە باۋلىعان اياۋلىمنىڭ اكەسى سەرىك امىرەنوۆ, تالانتتى شاڭعىشى, الماتىدا وتكەن قىسقى ۋنيۆەرسيادا ويىندارىندا التىننان القا تاققان شەمونايحالىق يۆان ءليۋفتىڭ تۇراقتى دەمەۋشىسى, ىسكەر ازامات سەرگەي گلۋشكوۆ ۇشەۋىمىز فريستايلشىلاردىڭ جاتتىعۋىن تاماشالادىق. مەدالدان ۇمىتكەر يۋليا گالىشەۆا, دميتري
رەيحەرد, پاۆەل كولماكوۆتىڭ كوڭىل-كۇيلەرى كوتەرىڭكى, سەنىمدى اقتاۋعا كۇش سالاتىندارىن ايتتى.
- ەرتەڭ ىرىكتەۋ جارىسى باستالادى. ۇزدىك ونەر كورسەتكەن جيىرما ساڭلاق كەلەسى اينالىمعا شىعادى. ودان كەيىن ءى2, سوسىن ۇزدىك دەگەن التاۋ اقتىق سىندا مەدالداردى ساراپقا سالادى. يۋليا مەن دميتري وسى جولى قالايدا مەدال الىپ, جانكۇيەرلەردى قۋانتساق دەگەن ويدا, ال مەن جيىرمالىققا ەنسەم- جامان بولماس ەدى,-دەيدى نەبارى ون التى جاسار اياۋلىم امىرەنوۆا.
كەشە شاڭعىمەن تۇعىردان سەكىرۋشىلەر ىرىكتەۋ سايىسىن باستادى. ازىرشە س.تكاچەنكونىڭ ناتيجەسى كوڭىل كونشىتەر ەمەس. ونىنشى اقپاندا شاڭعىشىلار, شورت-ترەك شەبەرلەرى, شانا سپورتى بويىنشا سايىستار وتەدى. حوش سونىمەن, اق وليمپيادا باستالدى. ءۇمىت ۇزىلمەسىن دەيىك!
وڭداسىن ەلۋباي, جۋرناليست
ارنايى «ەگەمەن قازاقستان» گازەتى ءۇشىن پحەنچحاننان