اتا زاڭ نورمالارىن ىسكە اسىرۋ كەشەندى جانە امبەباپ سيپاتقا يە. ويتكەنى ول ادامنىڭ, قوعام مەن مەملەكەتتىڭ ءومىر ءسۇرۋىنىڭ اسا ماڭىزدى باعىتتارىمەن بايلانىستى قوعامدىق قاتىناستاردىڭ ءتۇرلى سالالارىن قامتيدى.
ەل كونستيتۋتسياسى ادامدى جانە ادامنىڭ ءومىرىن, قۇقىقتارى مەن بوستاندىقتارىن ەڭ قىمبات قازىنا دەپ تانيدى. ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋدا كونستيتۋتسيالىق قۇندىلىقتاردىڭ شىنايى ومىردە ىسكە اسىرىلۋى كورىنىس تاپتى. بۇل ورايدا پرەزيدەنت «بۇگىندە الەم ءتورتىنشى ونەركاسىپتىك رەۆوليۋتسيا داۋىرىنە, تەحنولوگيالىق, ەكونوميكالىق جانە الەۋمەتتىك سالالارداعى تەرەڭ جانە قارقىندى وزگەرىستەر كەزەڭىنە قادام باسىپ كەلەدى, سوندىقتان ءبىز جاھاندىق وزگەرىستەر مەن سىن-قاتەرلەرگە دايىن بولۋىمىز قاجەت», دەپ اتاپ ءوتتى.
ۋاقىت سىنىنا توتەپ بەرۋ ءۇشىن, ەلباسى قازاقستاندىقتاردىڭ الدىنا ورىندالۋى قاجەت 10 باعىتتىڭ باسىمدىلىعىن بەلگىلەپ بەردى. قويىلعان مىندەتتەردىڭ ءبارى دە بىلتىر وتكىزىلگەن كونستيتۋتسيالىق رەفورمانىڭ مازمۇنىنا سايكەس كەلەدى. ازاماتتاردىڭ كونستيتۋتسيالىق قۇقىقتارىنا كەپىلدىكتى نىعايتۋ, قۇقىق ۇستەمدىگىن قامتاماسىز ەتۋ, قۇقىق قورعاۋ قىزمەتىن ىزگىلەندىرۋ بويىنشا ەلباسىنىڭ تاپسىرمالارىن ودان ءارى ىسكە اسىرۋ باسىم باعىتتاردىڭ ءبىرى بولىپ قالا بەرەدى دەپ ويلايمىن. بۇل تۇرعىدان العاندا, كونستيتۋتسيالىق كەڭەس توراعاسى ق.ءمامي كونستيتۋتسيالىق كەڭەس مۇشەلەرى مەن اپپارات قىزمەتكەرلەرىنىڭ الدىنا ناقتى مىندەتتەر قويدى. ماقساتىمىز, باعىت-باعدارىمىز ايقىن, ەندى ەل پرەزيدەنتىنىڭ جولداۋىن ىسكە اسىرۋ جونىندەگى جۇمىستى ساۋاتتى ۇيىمداستىرىپ, ىسكە كىرىسۋ قاجەت.
الىبەك تەمىربەكوۆ,
كونستيتۋتسيالىق كەڭەس مۇشەسى